Infinity Ward

Infinity Ward é unha compañía de videoxogos norteamericana fundada en 2002 por 22 antigos empregados de 2015, Inc.. En outubro de 2003 foi contratada por Activision, que lle encargou a programación de varias entregas de Call of Duty.

Infinity Ward
Instancia de	desenvolvedora de videoxogos
Forma xurídica	filial
Persoas e organizacións
Propietario/a	Activision Blizzard
Matriz	Activision
Cadro de persoal 125
Actividade
Industria	industria dos videoxogos
Produtos software
Data
Fundación	2002
Localización
34°10′11″N 118°34′35″O
País	Estados Unidos de América
Sede	Woodland Hills
Lugar de formación	Encino
Fontes e ligazóns
Páxina WEB	infinityward.com
Redes
[ Wikidata ]

Reputación do estudo

O seu primeiro xogo que programou foi Call of Duty, que recibiu boas críticas e varios premios .^[1] Tanto Call of Duty 4: Modern Warfare coma Call of Duty: Modern Warfare 2 lograron vender máis de 10 millóns cada un deles ^[2][3][4][5].

Motores gráficos empregados

A primeira creación do estudo empregou o motor Id Tech 3, mentres que Call of Duty 2 empregou unha versión modificada do mesmo motor, que agora soportaba DirectX 9. Para Modern Warfare usaron un motor propio, non aplicado en previos videoxogos ^[6]. O mesmo motor foi empregado por Activision noutros xogos da compañía, coma Call of Duty: World at War e Quatum of Solace ^[7][8]. Para Modern Warfare 2 optaron por unha versión máis avanzada do motor de Modern Warfare, denominada IW 4.0.

Conflito con Activision

En marzo de 2010, Activision despediu a dous dos empregados de maior rango de Infinity Ward. Activision alegou que a decisión se debía a que ambos os dous mantiñan en segredo conversacións con Electronic Arts ^[9]. Pola súa banda, os despedidos reclaman que Activision non cumpriu cunha serie de pagamentos derivados das vendas de Modern Warfare 2. Reclaman ademais os dereitos da franquía Modern Warfare ^[6]. Días despois, Activision afirmou que Infinity Ward seguirá sendo un dos piares da programación de Call of Duty ^[10].