Iolanda Zúñiga

Iolanda Pérez Zúñiga, nada en Vigo o 12 de febreiro de 1975, é unha escritora en lingua galega.

Iolanda Zúñiga

Biografía
Nacemento	12 de febreiro de 1975 (50 anos) Vigo, España
Formación profesional	Educación Musical
Actividade
Ocupación	escritora
Xénero artístico	Poesía, narrativa
Obra
Obras destacables (2007) Vidas post-it (2008) Amor amén (2010) Periferia (2018) Noites de safari
Premios
(2010)  Premio Xerais, premiado polo traballo Periferia

Traxectoria

Mestra de educación musical. Forma parte do grupo Murmel-bruxas de música para nenos. Na actualidade traballa nun restaurante vexetariano de Vigo, despois de ter sido monicrequeira e asistente nunha libraría e nunha tenda de discos. No ano 2007 publicou o seu primeiro libro, Vidas post-it, 46 microrrelatos con temática moi diversa, pero sempre referidos a situacións cotiás universais. En 2008 publicou o poemario Amor amén. En 2010 obtivo o premio Xerais coa novela Periferia,^[1] unha historia sobre a precaridade cotiá e a falta de oportunidades nos suburbios^[2].

Obras

Narrativa

• Vidas post-it (relatos, 2007. Edicións Xerais, colección Abismos). Traducida ao castelán^[3] no 2011 en Pulp Books, por Moisés Rodríguez Barcia e ao catalán en 2013.^[4]
• Periferia (novela, 2010, Ed. Xerais)
• Noites de safari. Manual sobre amantes desorientados (novela, 2018, Ed. Xerais, co pseudónimo de Marleen MaLone)
• Natura (novela, 2018, Galaxia)

Poesía

• Amor amén, 2008, Xerais.

Premios

• Premio Xerais de novela no 2010, por Periferia.
• Mención como finalista do xurado do Premio da Crítica Galicia de Creación literaria no 2011, por Periferia.