Isca (política)

Isca! é o nome dunha organización política xuvenil de ideoloxía nacionalista independentista e de esquerda anticapitalista.

Pancarta de Isca! en 2009.

Isca (política)
Instancia de	partido político galego e organización xuvenil
Ideoloxía política	nacionalismo galego, socialismo e independentismo galego
Data
Fundación	2006
Localización
42°53′33″N 8°32′37″O
País	España
Enderezo	Avenida Castelao 30, Santiago de Compostela
Sede	Santiago de Compostela
Fontes e ligazóns
Páxina WEB	iscagz.org
Redes
[ Wikidata ]

Organización

Constituída o 16 de xullo de 2006 en Santiago de Compostela, en Isca! participa un grupo de militantes escindidos da UMG en xaneiro de 2006, conxuntamente con outros sectores críticos de esquerda dentro de Galiza Nova, a organización xuvenil do BNG e militantes do movemento estudantil nacionalista. A súa primeira aparición pública tivo lugar o 25 de xullo de 2006, día da Patria, na manifestación convocada polo BNG.

Isca! articúlase como organización xuvenil, primeiro do Movemento Galego ao Socialismo, partido comunista e independentista integrado no BNG, e actualmente do Movemento Arredista, organización política parte do BNG de carácter independentista, socialista e feminista.

En decembro de 2024, aceptouse nun congreso nacional extraoirdinario deixaren de funcionar como organización independente, afondando na unidade orgánica co Movemento Arredista.^[1]

Obxectivos e actividades

Isca defínese como unha "organización xuvenil asemblear e democrática" que "aspira a unir a mocidade revolucionaria galega na loita pola independencia nacional e a superación do capitalismo, pola construción do socialismo e o comunismo". En base a estes obxectivos, leva a cabo diversas actividades de propaganda, formación ou mobilización. Entre as súas liñas de traballo están a defensa do emprego digno na propia terra, a posta por un ensino público, galego e de calidade, o combate ao machismo e o patriarcado, a defensa da lingua e cultura e o pobo galegos ou a solidariedade con outros pobos en loita, como Palestina, Venezuela ou Cuba.

Traballo nos movementos sociais

Ademais das campañas propias e do traballo no seo do BNG, a militancia de Isca! dinamiza e participa en colectivos sociais como a Confederación Intersindical Galega así como, ata a súa disolución no ano 2016, na Liga Estudantil Galega, organización que contribuíu a fundar. Igualmente, participa do movemento feminista e ecoloxista, no asociacionismo cultural e nos locais sociais nacionalistas.