John Howe

John Howe, nado en Vancouver o 21 de agosto de 1957, é un ilustrador canadense de libros e filmes, coñecido principalmente polos seus traballos baseados na obra de J. R. R. Tolkien.^[1]

John Howe

(2017)
Biografía
Nacemento	21 de agosto de 1957 (67 anos) Vancouver, Canadá
Educación	Escola Superior de Artes Decorativas de Estrasburgo Ecole Nationale Supérieure des Arts Décoratifs (pt)
Actividade
Ocupación	ilustrador
Premios
(1990)  Amerigo Vespucci Youth Award (en)
Descrito pola fonte	Obálky knih,
Sitio web	john-howe.com

Traxectoria

Howe e Alan Lee foron os artistas principais na triloxía do Señor dos Aneis de Peter Jackson.^[2] Tamén reilustrou os mapas do Señor dos Aneis, O hobbit e O Silmarillion entre 1996 e 2003.

Con todo, o seu traballo non se limita á obra de Tolkien. Ilustrou moitos libros de fantasía, como os de Robin Hobb, ou debuxado sobre a lenda anglosaxoa Beowulf. Contribuíu á adaptación da película The Chronicles of Narnia: The Lion, the Witch and the Wardrobe da obra de C. S. Lewis. En 2005, unha edición limitada da novela A Clash of Kings de George R. R. Martin foi publicada por Meisha Merlin Publishing, incluíndo varias ilustracións de Howe.

O seu último traballo con Peter Jackson é a adaptación cinematográfica da obra O Hobbit, formando equipo, unha vez máis, con Alan Lee como deseñador conceptual do mundo de Tolkien.