Jonathan Nolan

Jonathan "Jonah" Nolan, nado en Londres o 6 de xuño de 1976,^[1] é un guionista, produtor de televisión, director e autor británico-estadounidense. É o creador da serie da CBS Person of Interest (2011–2016) e cocreador da serie de ciencia ficción da HBO Westworld (2016–presente).

Jonathan Nolan

(2017)
Biografía
Nacemento	6 de xuño de 1976 (49 anos) Londres, Reino Unido
Educación	Universidade de Georgetown
Actividade
Ocupación	guionista, produtor creador, produtor de televisión, actor de televisión, produtor delegado, produtor de cinema, escritor, realizador
Período de actividade	1997 -
Membro de	Writers Guild of America West Directors Guild of America (en)
Familia
Cónxuxe	Lisa Joy (2009–)
Irmáns	Christopher Nolan
Parentes	John Nolan, tío paterno
Premios
Premios Saturn  35th Saturn Awards (en)
Descrito pola fonte	Obálky knih,

Nolan colaborou en diversos filmes co seu irmán, o director Christopher Nolan, que adaptou a historia curta de Jonathan "Memento Mori" no filme neo-noir Memento (2000). Os dous irmáns escribiron xuntos o guión do suspense O prestixio (2006), o filme de superheroes O cabaleiro escuro (2008) e O cabaleiro escuro: a lenda renace (2012), ademais do filme de ciencia ficción Interstellar (2014).

Nolan foi nomeado ó Oscar ó mellor guión orixinal por Memento, e ós Premios Primetime Emmy ó mellor guión e mellor dirección dunha serie dramática por Westworld, entre outros galardóns.