Gaivota arxéntea americana

A gaivota arxéntea americana^[2] (Larus smithsonianus) é unha ave pertencente á familia dos láridos.

Gaivota arxéntea americana Larus smithsonianus
Adulto no niño
Estado de conservación
Pouco preocupante[1]
Clasificación científica
Reino: Animal Filo: Chordata Clase: Aves Orde: Charadriiformes Familia: Laridae Xénero: Larus Especie: L. smithsonianus
Nome binomial
'Larus smithsonianus' Coues, 1862
Sinonimia
Larus argentatus smithsonianus

Características

Antigamente considerábase a mesma especie que a gaivota arxéntea^[3]. Debido ás diferenzas de plumaxe no primeiro ano e ás pequenas diferenzas xenéticas fixeron considerala unha especie diferente^[3]. Os adultos son case indistinguíbeis dos adultos da arxéntea. Unicamente o tamaño lixeiramente menor e os tons máis claros das ás e das patas da Larus smithsonianus, permiten diferenciar ambas especies^[3]. Porén os xuvenís de primeiro ano son moi diferentes. Xa que presentan unha plumaxe case completamente negra que os diferenza dos xuvenís da arxéntea, moito máis claros^[3].

Distribución

Moi estendida por toda Norteamérica. É unha especie divagante en Europa, con moitas citas nas Illas Británicas e en Francia, mais é unha rareza no resto do continente^[3].