Lingua cingalesa

A lingua cingalesa^[2] (en cingalés: සිංහල; singhala [ˈsiŋɦələ]),^[3] é a lingua nativa do pobo cingalés, que representa o meirande grupo étnico de Sri Lanka, representando uns 16 millóns de persoas. O cingalés tamén é falado como segunda lingua por outros grupos étnicos de Sri Lanka, sendo un total de catro millóns de persoas.^[4] Pertence á póla indoaria das linguas indoeuropeas. O cingalés ten o seu propio sistema de escritura, o alfabeto cingalés, que é un dos alfabetos bráhmicos, un descente do antigo brahmi indio estreitamente relacionado co alfabeto kadamba.^[5]

Cingalés සිංහල
Pronuncia:	[ˈsiŋɦələ]
Outros nomes:	Sinhala
Falado en:	Sri Lanka
Total de falantes:	16 millóns (2007) 2 millóns como segunda lingua (1997)
Familia:	Indoeuropea  Indorianio   Indoario    Zona sur     Cingalés
Escrita:	Alfabeto cingalés
Status oficial
Lingua oficial de:	Sri Lanka
Códigos de lingua
ISO 639-1:	si
ISO 639-2:	sin
ISO 639-3:	sin
Mapa
Status
O cingalés está clasificado como "en estado seguro" polo Libro Vermello das Linguas Ameazadas da UNESCO[1]

O cingalés é unha das linguas oficiais de Sri Lanka. Xunto coa lingua pali, xogou un papel principal na literatura budista theravada.