Lingua inuktitut

A lingua inuktitut (ᐃᓄᒃᑎᑐᑦ),^[2] é unha das principais linguas inuit faladas no Canadá. É falada nas áreas ó norte da liña de bosque, incluíndo tamén áreas de Terra Nova e Labrador, o Quebec, o noroeste de Manitoba e o territorio de Nunavut. É unha das linguas aborixes americanas que se escriben con silabario.^[3]

Inuktitut ᐃᓄᒃᑎᑐᑦ
Outros nomes:	Inuktitut, Inuttitut, Inuktitun, Inuinnaqtun, Inuttut
Falado en:	Canadá
Rexións:	Nunavut, Quebec (Nunavik), Terra Nova e Labrador (Nunatsiavut)
Total de falantes:	34.000 (censo de 2011) 36.000 xunto co Inuvialuk (2006)
Familia:	Esquimó-aleutiano  Esquimó   Inuit    Inuktitut
Escrita:	Silabario inuktitut, alfabeto latino
Status oficial
Lingua oficial de:	Nunavut
Regulado por:	Inuit Tapiriit Kanatami
Códigos de lingua
ISO 639-1:	iu
ISO 639-2:	iku
ISO 639-3:	iku
Mapa
Status
O inuktitut está clasificado como "vulnerable" polo Libro Vermello das Linguas Ameazadas da UNESCO[1]

Está recoñecida como lingua oficial de Nunavut xunto co inuinnaqtun. Ten recoñecemento legal en Nunavik, unha parte do Quebec, e está recoñecida como lingua oficial do ensino nas escolas inuit. Segundo o censo de 2006, existen uns 35.000 falantes de inuktitut no Canadá, incluíndo 200 que viven de xeito regular fóra das terras tradicionais.^[4]