Lingua maorí

O maorí^[3] (en maorí: te reo Māori) é unha lingua polinesia da familia malaio-polinesia falada en Nova Zelandia polo pobo maorí. Está emparentada co maorí das illas Cook, co tuamotuano e co tahitiano. A lei da lingua maorí de 1987 concedeulle o status de lingua oficial no país. Antes do contacto cos europeos, a lingua carecía dun sistema de escritura; na actualidade, emprégase o alfabeto latino, que foi adoptado e estandarizado polos maorís do norte, en colaboración con clérigos protestantes ingleses durante o século XIX.

Maorí māori
Falado en:	Nova Zelandia
Total de falantes:	60.000 (2011) 157.000 persoas considéranse quen de conversar en maorí sobre asuntos cotiás (censo de 2006)[1]
Familia:	Linguas austronesias  Linguas malaio-polinesias   Linguas polinesias    Maorí
Status oficial
Lingua oficial de:	Nova Zelandia
Regulado por:	Comisión da Lingua Maorí
Códigos de lingua
ISO 639-1:	mi
ISO 639-2:	mao
ISO 639-3:	mri
Mapa
Status
O maorí está clasificado como "vulnerable" polo Libro Vermello das Linguas Ameazadas da UNESCO[2]

Distribución xeográfica

O maorí fálano en Nova Zelandia unhas 60.000 persoas, case todas de orixe maorí, aínda que o seu número varía segundo as fontes, o censo de 1996 informaba de 160.000 falantes, mentres algúns estudos sociolingüísticos estiman o número de falantes en menos de 50.000.