Live Through This
álbum de Hole From Wikipedia, the free encyclopedia
Remove ads
Live Through This é o segundo álbum de estudio da banda estadounidense de rock alternativo Hole. Foi editado o 12 de abril de 1994 a través do selo DGC Records. Live Through This foi elixido mellor álbum do ano 1992 pola revista Spin.[1]
Gravado a finais de 1993, afastouse da estética hardcore sen refinar da banda e achegouse a melodías e estruturas de cancións máis refinadas.[2] A vocalista Courtney Love dixo que quería que o disco fose "impactante para a xente que pensa que non temos un toque suave", pero que mantivese unha sensibilidade áspera. O álbum foi producido por Sean Slade e Paul Q. Kolderie e mesturado por Scott Litt e J Mascis. As letras e a presentación reflicten as preocupacións temáticas de Love pola beleza e os temas da maternidade, o antielitismo e a violencia contra as mulleres. Love sacou o título do álbum dunha cita de Gone with the Wind (1939).
Live Through This recibiu a aclamación da crítica e entrou nas listas de nove países antes de ser certificado como platino nos Estados Unidos o 26 de abril de 1995.[3] A pesar disto, tamén foi obxecto dalgunha discusión pública sobre os rumores sen fundamento de que o marido de Love, Kurt Cobain (que morreu por suicidio menos dunha semana antes do lanzamento do álbum) axudara a compoñer o álbum. Esta afirmación foi cuestionada polos membros da banda, produtores e biógrafos musicais, aínda que a banda confirmou que Cobain realizou coros en dúas cancións durante unha visita ao estudio. Tamén foi o único álbum de Hole no que participou a baixista Kristen Pfaff e o último que se lanzou durante a súa vida, xa que morreu dous meses despois do lanzamento do disco.
Remove ads
Lista de cancións
Tódolos temas escritos e compostos por Courtney Love e Eric Erlandson, agás onde se indique.
Remove ads
Notas
Wikiwand - on
Seamless Wikipedia browsing. On steroids.
Remove ads