Músculo grácil

O músculo grácil ou recto interno^[1] é un músculo que se estende desde a rama inferior da pube e a rama do isquion até a tibia.

Músculo grácil
m. gracilis
Instancia de	clase de entidade anatómica e tipo de órgano muscular quiral
Subclase de	músculo do compartimento medial da coxa e entidade anatómica particular
Parte de	compartimento medial da coxa
Conéctase con	bolsa subtendinosa do músculo sartorio e anserine bursa (en)
Inervado por	póla anterior do nervio obturador
Acción muscular	adución da articulación da cadeira, flexión da articulación do xeonllo e rotación interna da tibia na articulación do xeonllo
Orixe do músculo	ischiopubic ramus (en)
Inserción do músculo	tibia
Composto por  tendon of gracilis (en)
Descrito pola fonte
Descrito pola fonte Anatomía de Gray (20ª edición) (páxina(s): 471)
Identificadores
MeSH	D000071976
Terminologia Anatomica 98	A04.7.02.030
[ Wikidata ] [ C:Commons ]

Insercións e constitución anatómica

• Insercións superiores: lateral á sínfise pubiana, no ángulo pubiano, medial á inserción dos músculos adutores longos e curtos, no labio lateral, parte anterior da rama isquiopúbica.

• Corpo muscular: a partir das insercións precedentes orixina un corpo fino, plano, en forma de cinta, situado na cara medial da coxa. O seu tendón longo e fino aparece no medio do corpo musculoso e rodea o cóndilo medial do fémur de atrás cara a adiante.

• Inserción inferior: despois de rodear o cóndilo medial da tibia, insírese na parte superior da súa cara medial, contribuíndo cos músculos sartorio e semitendinoso a formar a pata de ganso superficial^[2].

Relacións

A súa cara medial ou superficial está cuberta pola fascia lata e a pel na súa maior extensión. A cara lateral ou profunda está relacionada co bordo medial dos músculos adutores, o cóndilo medial do fémur e a tibia, na que a bolsa sinovial os separa do ligamento colateral tibial.

Innervación

Recibe unha rama do nervio obturador (L2, L3, L4) que o penetra pola súa cara profunda, por riba da súa parte media.

Vascularización

Varias arterias provenientes da arteria femoral ou da arteria circunflexa femoral medial irrigan o músculo.

Función

Adución, flexión e rotación interna da cadeira