Músculo sartorio

O músculo sartorio^[1][2] é un músculo da rexión anterior da coxa, o máis superficial, ten forma de cinta que atravesa toda a coxa diagonalmente cara a dentro e cara a abaixo. É o músculo máis longo do corpo (mide aproximadamente, nun adulto, uns 35-55 cm de media).^[3][4]

Músculo sartorio
m. sartorius
Instancia de	clase de entidade anatómica e tipo de órgano muscular quiral
Subclase de	músculo do compartimento anterior da coxa e entidade anatómica particular
Parte de	compartimento anterior da coxa
Conéctase con	Cribriforme Fascia (en) e bolsa subtendinosa do músculo sartorio
Irrigado por	arteria femoral
Inervado por	nervio femoral
Acción muscular	flexión da articulación da cadeira, flexión da articulación do xeonllo e rotación interna da tibia na articulación do xeonllo
Orixe do músculo	espiña ilíaca anterosuperior
Inserción do músculo	tibia
Composto por  tendon of sartorius (en)
Fontes e identificadores
Terminologia Anatomica 98	A04.7.02.015
Descrito pola fonte Anatomía de Gray (20ª edición) pp. 470
[ Wikidata ] [ C:Commons ]

Orixe do nome

Sartor significa xastre en latín.^[5] Unha das teorías que indican a súa orixe é que ao contraer este músculo conséguese a típica posición de traballo do xastre: sentado coas pernas cruzadas.

Viaxe

Cando chega á zona inferior da coxa, o sartorio vólvese horizontal e cruza cara á zona interna do xeonllo, do que é músculo flexor, cruza o xeonllo de atrás cara a adiante e de arriba abaixo, o tendón aplánase e ensánchase cando alcanza a entreliña da articulación. Insírese ao comezo da diáfise da tibia pola súa cara medial. No mesmo lugar no que se insire o sartorio tamén se introducen outros dous tendóns que forman a pata de ganso superficial (sartorio, grácil e semitendinoso)^[6]; o sartorio é o máis superficial de todos.

Accións

Este músculo ten as súas accións nas dúas articulacións polas que pasa, a cadeira e o xeonllo. É un flexor da cadeira e move o fémur cara a fóra (abdutor), tamén fai xirar a cabeza femoral cara a fóra, é dicir, consegue poñer o talón dun pé por diante do xeonllo da perna oposta. No xeonllo é flexor, e a medio camiño entre a flexión e a extensión axudará a xirar a tibia cara a dentro en relación ao fémur. Ningunha das accións do músculo sartorio son pronunciadas, polo que é principalmente un músculo sinérxico, que actúa en conxunto con outros músculos da coxa que producen os movementos.

Forma o lado exterior do triángulo de Scarpa e dende o primeiro terzo da coxa o sartorio cobre as arterias e vasos diante. Tamén sobre outros músculos están o recto femoral (no seu inicio), o iliopsoas, o pectíneo, o adutor medial da coxa, o vasto medial do cuadríceps e o recto medial, interno ou músculo grácil.