Maná

Maná é unha banda mexicana de Rock fundada en 1987 de grande éxito.

Maná
Concerto da xira Drama y luz (xuño de 2012, Madrid)
Orixe	Guadalajara, México
Período	1987-actualidade
Xénero(s)	Rock
Selo(s) discográfico(s)	Universal Music
Membros	Fernando Olvera Juan Calleros Alejandro González "El Animal" Sergio Vallín
Antigos membros	Ulises Calleros Iván González Cesar López "Vampiro"
Na rede
mana.com.mx

A banda ten gañado catro premios Grammy, sete Premios Grammy Latinos, cinco MTV Video Music Awards Latinoamérica, cinco Premios Juventud, quince Premios Billboard de la Música Latina e quince dos Premios Lo Nuestro. Ademais obtivo múltiples premios polo seu labor a favor do ecoloxismo^[1] En 2012 formaron parte do paseo do rock en Hollywood, Estados Unidos.

O son da banda baséase no rock latino, ritmos latinos, pop latino e o rock en español.^[2] Nun principio recibiron o éxito comercial internacional en México, Australia e España, e dende aquela teñen gañado popularidade e a exposición en toda América Latina, Estados Unidos, Europa Occidental, Asia e Oriente Medio. Maná ten vendido máis de 40 millóns de discos en todo o mundo, sendo unha das bandas de rock en castelán con maior rexistro de vendas.^[3][4]

Formación

Integrantes

Maná (empezou en 1987)

• Fernando Olvera, voz (1987-)
• Juan Diego Calleros, Baixo (1987-)
• Sergio Vallin, guitarra (1995-)
• Alejandro González Trujillo, batería (1987-)

Ex-integrantes

• Ulises Calleros, guitarra (1987-1992)
• Iván González, teclados (1992-1994)
• Cesar López "Vampiro", guitarra (1992-1994)

Músicos invitados

• Juan Carlos Toribio, teclados (desde 1995)
• Fernando Vallín, guitarras e coros (desde 2002)

Colaboracións

• Alejandro Lora, en Falta amor
• Sebastián Trepode
• Carlos Santana, en Corazón espinado e todo o disco Revolución de amor.
• Rubén Blades, en Sábanas Frías
• Zucchero, en Baila morena e en Eres mi religión (en italiano)
• Juan Luis Guerra, en Bendita tu luz
• Shakira, en Mi verdad no álbum Cama incendiada (2015)

Maná en Galicia

Maná visitou Galicia en varias ocasións a nivel profesional actuando por exemplo en Cambados en 2003 durante a súa xira Revolución de Amor^[5]. Tamén visitaron varias veces a cidade da Coruña (a última vez o 26 de agosto de 2015 durante a súa xira Cama incendiada)^[6].

Discografía

Álbums

• Maná (1987)
• Falta amor (1989)
• ¿Dónde jugarán los niños? (1991)
• Cuando los ángeles lloran (1995)
• Sueños líquidos (1997)
• Revolución de amor (2002)
• Amar es combatir (2006)
• Arde el cielo (2008)
• Drama y luz (2011)
• Exiliados en la Bahía: Lo Mejor de Maná (Recompilatorio - 2012)
• Você É Minha Religião: O Melhor de Maná (Recompilatorio - 2013)
• Cama incendiada (2015)

Discos en Vivo e DVDs

• Maná en vivo (1994)
• Maná MTV Unplugged (1999)
• Esenciales (2003)
• Acceso Total (2004)

Fundación Selva Negra

Maná constituíu a Fundación Selva Negra en 1995^[7] coa dirección de Mari González e Augusto Benavides^[8] para financiar e apoiar importantes proxectos destinados a protexer o medio ambiente. Tamén co apoio do goberno de México nos esforzos para salvar a tartaruga mariña mediante o aumento de 140.000 ovos de tartaruga para a liberación na costa pacífica do país. O 7 de abril de 2008 Maná e a Fundación Selva Negra foron nomeados "Campión de Saúde"^[9] pola Organización Panamericana de la Salud durante a celebración do Día Mundial da Saúde 2008 na sede da OPS en Washington^[10]