Manuel Valeriano Alonso

Manuel Valeriano Alonso de León, coñecido como Pichurri, nado en Camariñas en 1951, é un político galego do PSdeG-PSOE.

Para outras páxinas con títulos homónimos véxase: Manuel Alonso.

Manuel Valeriano Alonso

Biografía
Nacemento	1951 (73/74 anos) Camariñas, España
Alcalde de Camariñas
2007 – 2018 (dimisión) ← Juan Bautista Ramos Santos – Sandra Ínsua Rial →
Actividade
Lugar de traballo	Camariñas
Ocupación	político, axente de seguros, fotógrafo
Partido político	Partido Socialista Obreiro Español
Membro de	Partido dos Socialistas de Galicia

Traxectoria

Fotógrafo e axente de seguros, foi concelleiro de Camariñas polo PTG nas primeiras eleccións democráticas. Ingresou no PSdeG-PSOE en 1980, e por esa formación foi concelleiro entre 1991 e 1996, cando dimitiu. Nas eleccións municipais de 2007 encabezou a candidatura do PSdeG-PSOE á alcaldía de Camariñas^[1] e foi elixido alcalde con maioría absoluta. Nas municipais de 2011 volveu ser elixido alcalde, tamén con maioría absoluta. En xuño de 2011 foi imputado por suposta negociación prohibida a funcionarios.^[2] Volveu ser reelixido no 2015 con maioría absoluta. O 24 de agosto de 2018 presentou a súa dimisión pasando a ser alcaldesa a número 2, Sandra Ínsua.

Dez anos máis tarde, en novembro de 2021, foi condenado a inhabilitación por xestionar para o concello pólizas de seguro dende a súa empresa, Pichurri SL^[3].

Predecesor: Juan Bautista Santos Ramos

Alcalde de Camariñas  2007 - 2018

Sucesor: Sandra Ínsua

Vida persoal

Casou coa tamén fotógrafa María del Carmen Freire Ramos.