María Teresa Alvajar

María Teresa Alvajar López, nada na Coruña en 1922 e finada en Madrid o 9 de xaneiro de 2016,^[1] foi unha política e escritora galega.

María Teresa Alvajar

Biografía
Nacemento	agosto de 1921 A Coruña, España
Morte	9 de xaneiro de 2016 (94 anos) Madrid, España
Actividade
Ocupación	política, escritora, política
Familia
Pais	César Alvajar   e Amparo López Jean
Irmáns	Amparo Alvajar Ana María Alvajar L. Jean Javier Alvajar López
Premios
(2008)  Premio Galiza Mártir

Traxectoria

Filla do político republicano César Alvajar e de Amparo López Jeán,^[2] era irmá de Ana María Alvajar, Amparo Alvajar e Javier Alvajar López. Logo do golpe de Estado do 18 de xullo de 1936 foi encarcerada con 17 anos na prisión da Coruña acusada de dirixir checas e o Servizo de Investigación Militar republicano.^[1] No cárcere coincidiu con Esther Casares, filla de Santiago Casares Quiroga.^[3] Exiliouse en Francia cos seus pais. Deixou testemuño da súa traxedia persoal e familiar no libro Memorias dunha republicana (Laiovento) editado por Aurora Marco.

Homenaxes

En 2008 recibiu o Premio Galiza Mártir e en 2009 foi nomeada Republicana do ano pola Comisión pola Recuperación da Memoria Histórica da Coruña.^[2][4]