Mariña mercante

A Mariña mercante é a frota de barcos usados para o comercio e o turismo, e que en caso de catástrofe poden formar parte da Mariña militar. (Véxase barco mercante). A mariña mercante de Grecia é a máis grande do mundo. Hoxe, a frota grega representa preto do 16 por cento da tonelaxe mundial; isto convértea na actualidade na frota mercante internacional máis grande do mundo, aínda que non a maior da historia.^[1]

Buque portacontedores.

O Queen Mary 2 na ría de Vigo.

Categorías

Estas frotas poden seren divididas en diversas categorías de acordo co seu propósito ou o seu tamaño:

• Buques de carga seca, principalmente portacontedores.
• Buques especializados, por exemplo, para cargas moi pesadas, para o transporte de vehículos ou de maquinaria especial.
• Costeiros, barcos máis pequenos para calquera categoría de carga que normalmente non fan rotas transoceánicas, senón transportes ao longo das costas (cabotaxe).
• Cruceiros, barcos de pasaxeiros para realizaren viaxes de lecer.
• Transbordadores, que na súa maioría combinan a carga de pasaxeiros e os seus automóbiles, e que se utilizan normalmente para rotas regulares entre dous portos.
• Tanques para o transporte de combustíbeis ou outros líquidos, como petróleo cru, petróleo refinado e outros produtos petrolíferos, gas licuado de petróleo (como o gas natural, o propano e o butano) e produtos químicos (quimiqueiros). Tamén líquidos comestíbeis, como aceites vexetais, viño e outros alimentos. O sector dos buques tanque comprende unha terceira parte da tonelaxe mundial.

Notas

1. "rmt2007" (PDF). unctad.org.