Maria Mitchell

Maria Mitchell, nada en Nantucket (Massachusetts) o 1 de agosto de 1818 e finada en Lynn o 28 de xuño de 1889, foi a primeira muller dedicada a astronomía nos Estados Unidos e a primeira muller que formou parte da Academia Estadounidense de Artes e Ciencias.^[1]

Maria Mitchell

Biografía
Nacemento	1 de agosto de 1818 Nantucket (Estados Unidos de América)
Morte	29 de xuño de 1889 (70 anos) Lynn (Estados Unidos de América)
Lugar de sepultura	Prospect Hill Cemetery (en) 41°16′40″N 70°06′33″O
Relixión	Unitarismo
Actividade
Campo de traballo	Astronomía, bibliotecoloxía, ciencias naturais e pedagoxía
Ocupación	astrónoma, escritora, profesora universitaria, bibliotecaria, naturalista
Empregador	Vassar College (1865–1888) United States Coast and Geodetic Survey (en) (1849–1865) Nantucket Atheneum (en) , bibliotecaria (1836–1856)
Membro de	Sociedade Filosófica Estadounidense (1869–) Academia das Artes e das Ciencias dos Estados Unidos Asociación Americana para o Avance das Ciencias
Alumnos	Susan Jane Cunningham
Familia
Pais	William Mitchell   e Lydia Mitchell
Parentes	Mary Albertson, curmán
Premios
(1994)  National Women's Hall of Fame (1848)  Membro da Academia Estadounidense das Artes e as Ciencias
Sinatura
Descrito pola fonte	A Woman of the Century (en) , (sec:Maria Mitchell) Dictionary of Women Worldwide American Women Writers
Sitio web	mariamitchell.org

Traxectoria

Terceira nunha familia con dez fillos, asistiu a un centro de ensino para señoritas, tendo ademais autoeducación.

Foi profesora de astronomía para mulleres no Vassar College e chegou a ser a directora do seu observatorio.^{[2] [3]}O primeiro de outubro de 1847 converteuse na terceira muller en descubrir un cometa co telescopio (Miss Mitchell's Comet) polo que recibiu unha medalla de ouro do rei Federico de Dinamarca.^[4] Calculou táboas de posicións astronómicas de Venus, tomou fotografías dos planeta Xúpiter e Saturno e das súas lúas, estudou nebulosas, estrelas dobres e eclipses solares. Desenvolveu teorías sobre as súas observacións como a revolución dunha estrela arredor doutra nas estrelas dobres en formación e a influencia da distancia e da composición química na variación da cor da estrela. Estudou a eclipse solar total. Tomou as primeiras fotografías ordinarias do Sol e elaborou unha hipótese sobre as manchas solares que, no canto de ser nubes serían cavidades na superficie solar.

Foi a primeira muller elixida para ocupar un posto en diversas institucións científicas americanas, como a AAAS (Asociación Americana para o Avance da Ciencia).^[4] Fundou e foi presidenta da Asociación Americana para o Avance das Mulleres.^[4] Así mesmo, obtivo un grao honorario en Columbia.

Foi unha muller con ideais que loitou pola súa igualdade salarial respecto aos homes, en protesta contra a escravitude deixou de vestir prendas de algodón e apoiou o movemento sufraxista.^[5]

Recoñecemento

Pola súa figura reciben o seu nome: o observatorio de Nantucket, un barco da segunda guerra mundial, un cráter lunar,^[4] un asteroide e foi incluída na galería da fama dos Estados Unidos.