Mesoderma

En todos os animais de simetría bilateral, o mesoderma é unha das tres capas xerminais primarias que se forman nas primeiras fases do desenvolvemento do embrión. As outras dúas capas son o ectoderma (capa externa) e o endoderma (capa interna), en tanto que o mesoderma é a capa intermedia.).^[1][2] Os animais diblásticos (como cnidarios e ctenóforos) non teñen mesoderma.

Mesoderma
Instancia de	clase de entidade anatómica
Subclase de	capa xerminativa, embryonic tissue (en) e entidade anatómica particular
Desenvolvemento	mesoderm development (en)
Descrito pola fonte
Descrito pola fonte Enciclopedia soviética armenia, volume 7 (páxina(s): 377) Anatomía de Gray (20ª edición) (páxina(s): 49) Grande Enciclopedia Soviética (1926—1947)
Identificadores
MeSH	D008648
Thesaurus do NCI	C12750
[ Wikidata ] [ C:Commons ]

Sección do embrión.

O mesoderma diferénciase do resto do embrión por medio de sinalización intercelular, despois do cal é polarizado por un centro organizador.^[3]

Comunmente divídese o mesoderma en paraxial, intermedio e lateral.

Elementos derivados do mesoderma

Nos vertebrados o mesoderma dá lugar aos seguintes tecidos e órganos:

• Orixina a notocorda, órgano transitorio que induce a formación do tubo neural e establecemento do eixe anteroposterior.
• Orixina os somitas, que son bloques de células mesodérmicas situados a ambos os lados do tubo neural, que se desenvolven para dar lugar a outros tecidos como a cartilaxe, o músculo, o esqueleto e a derme dorsal.
• Orixina o aparato excretor (a maior parte) e as gónadas.
• Orixina o aparato circulatorio e revestimentos de cavidades internas (non conectadas co exterior) do organismo e todas as membranas extraembrionarias importantes para o transporte de nutrientes.
• Orixina o tecido mesenquimal da cabeza, que formará moitos dos tecidos conectivos e a musculatura da cara.