Methanococcus

Methanococcus é un xénero de microorganismos cocoides metanóxenos do dominio das arqueas, pertencentes á familia Methanococcaceae.^[1] Son todos mesófilos, excepto a especie termófila M. thermolithotrophicus e a hipertermófila M. jannaschii; estas últimas, finalmente, foron cambiadas de xénero.^[2] O xenoma de M. jannaschii foi o primeiro xenoma de arqueas que foi completamente secuenciado, o que revelou a existencia de moitos elementos xenéticos novos similares aos dos eucariotas.^[3] Na taxonomía deste xénero houbo moitos cambios e moitas especies foron cambiadas de xénero, outras foron consideradas sinónimas, e a especie tipo orixinal M. mazei foi cambiada de xénero, polo que a nova especie tipo é M. vainielli.

Methanococcus
Clasificación científica
Dominio: Archaea Reino: Euryarchaeota Filo: Euryarchaeota Clase: Methanococci Orde: Methanococcales Familia: Methanococcaceae Xénero: Methanococcus
Nome binomial
' Methanococcus' Kluyver e van Niel 1936 emend. Barker 1936 (Listas Aprobadas 1980)
Especies
M. aeolicus M. maripaludis M. vannielii M. voltae