Microscopio (constelación)

Microscopium ou Microscopio^[1] é unha pequena constelación austral introducida por Nicolas Louis de Lacaille. Estas estrelas son moi febles.

Microscopium
Nome latino	Microscopium
Abreviatura	Mic
Xenitivo	Microscopii
Simboloxía	O Microscopio,
Ascensión recta	21 h
Declinación	−36°
Área	210 graos cadrados Rango 66º
Número de estrelas (magnitude < 3)	0
Estrela máis brillante	γ Mic (magnitude ap. 4,67)
Choiva de meteoros	Ningunha
Constelacións lindeiras	Capricornus Saxitario Telescopium (esquina) Indus Grus Piscis Austrinus
Visible en latitudes entre +62° e −90° Mellor visibilidade ás 21:00 (9 p.m.) durante o mes de setembro

Historia

Dado que Microscopium foi descuberta no século XVII, e que se atopa moi preto do polo sur non foi coñecida por culturas clásicas, polo tanto non hai mitoloxía relacionada.

Estrelas

Estrelas principais

• α Microscopii, cuarta estrela máis brillante da constelación con magnitude 4.89, é unha xigante amarela a 380 anos luz de distancia.
• γ Microscopii, con magnitude 4,67 é a estrela máis brillante da constelación e tamén unha xigante amarela.
• θ Microscopii, denominación compartida por dúas estrelas distintas: θ¹ Microscopii, de magnitude 4,80, unha variable Alfa2 Canum Venaticorum a 187 anos luz; θ² Microscopii, xigante branca de magnitude 5,76 unhas tres veces máis afastada.

Outras estrelas con designación de Bayer

• β Mic 6,06; δ Mic 5,69; ε Mic 4,71; ζ Mic 5,32; η Mic 5,55; ι Mic 5,11; ν Mic 5,12

Outras estrelas notables

• AT Microscopii (GJ 799), estrela binaria composta por dúas ananas vermellas, unha delas unha estrela fulgurante. Atópase a 33 anos luz de distancia.
• AU Microscopii (GJ 803), con magnitude 6,61 posúe un disco protoplanetario; situada a só 1,2 anos luz de AT Microscopii probablemente forma un sistema estelar triplo con ela.
• BO Microscopii, estrela nova cunhas erupcións que foron estudadas na franxa de rayos X.
• Lacaille 8760 (AX Microscopii), anana vermella e estrela fulgurante de magnitude 6,67 situada a 12,8 anos luz.