Monte Louro, Louro, Muros

Monte Louro é un lugar situado na parroquia de Louro, no concello coruñés de Muros. O monte está concretamente na parroquia sobre a banda norte da ría de Muros e Noia.

Para outras páxinas con títulos homónimos véxase: Monte e Louro.

Monte Louro
Parroquia	Louro
Concello	Muros
Coordenadas	42°44′34″N 9°04′56″O
[ editar datos en Wikidata ]

A estrada pasa entre o monte e a praia de Louro, situada entre as puntas Carreiro e Lens. Forma parte do zona especial de conservación (ZEC) Monte e lagoa de Louro e ten un interese xeolóxico especial por ser un inselberg granítico, ou monte que destaca nunha chaira, rodeado dunha plataforma de abrasión.^[1][2][3]

Monte Louro coa Lagoa das Xerfas, a praia de Area Maior e o pinar de Ancoradoiro. Ao fondo, a ría de Muros e Noia. Esta paisaxe foi asolada por un incendio forestal en agosto de 2005

Monte Louro na literatura popular

• O Cristo de Finisterre/ ten unha pistola d'ouro/ pra matar aos do Son/ por riba de Monte Louro ^[4].
• Santo Cristo de Fisterra,/ ten unha pistola de ouro/ para matar os do Son/ por riba do Monte Louro ^[5].
• Si todo o mar fora leite/ e Monte Louro boroa,/ xa terían que comer/ os tramalleiros de Boa ^[6][7].
• Monte Louro con touca, chuvia moita ou pouca.

Galería de imaxes

Camiño cara ao Monte Louro.

Artigo principal: Galería de imaxes de Monte Louro, Louro, Muros.

• 
  Louro e Monte Louro emerxendo da borraxeira, vistos desde o Barbanza
• 
  Faro de Monte Louro
• 
  Monte Louro e a praia de Area Maior
• 
  Monte Louro.

Lugares e parroquias

Lugares de Louro

Lugares da parroquia de Louro no concello de Muros (provincia da Coruña)
O Ancoradoiro | O Espadanal | O Fogareiro | Louro | Monte Louro | O Rial | San Francisco | Seisidre | Sistamares | Taxes | Ventín | Vieta | A Vouga

Parroquias de Muros

Galicia | Provincia da Coruña | Parroquias de Muros
Abelleira (Santo Estevo) | Esteiro (Santa Mariña) | Louro (Santiago) | Muros (San Pedro) | Serres (San Xoán) | Sestaio (San Miguel) | Tal (Santiago) | Torea (San Xián)