Músculo maseter

O músculo maseter^[1][2][3] é un músculo da faciana, que se atopa na superficie externa no óso maxilar inferior. Trátase dun músculo curto, con tres planos: superficial, medio e profundo.

Músculo maseter
musculus masseter masseter
Instancia de	clase de entidade anatómica e tipo de órgano muscular quiral
Subclase de	músculo da mastigación e entidade anatómica particular
Parte de	músculo da mastigación
Irrigado por	arteria masetérica
Drenado por	vea masetérica
Inervado por	nervio mandibular
Fontes e identificadores
MeSH	D008406
Terminologia Anatomica 98	A04.1.04.002
Descrito pola fonte Anatomía de Gray (20ª edición) pp. 385
[ Wikidata ] [ C:Commons ]

Insercións do maseter

A nivel superior, este músculo insírese no arco cigomático.

A nivel inferior, insírese na mandíbula, na súa superficie externa.

Relacións

A superficie interna deste músculo relaciónase cun paquete vasculonervioso, o maseterino. Tamén está en contacto coa apófise coronoide do maxilar inferior e co músculo buccinador e coa bolsa adiposa de Bichat.

A superficie externa relaciónase cos vasos que percorren a faciana: arteria transversa da faciana. Tamén cos músculos cutáneos da faciana e co conduto de Stenon, procedente da glándula parótide.

Innervación e vascularización

É innervado por unha rama colateral do nervio mandibular ou terceira rama do trixémino (V3), e vascularizado pola arteria masetérica, rama da maxilar interna.

Esquema mostrando o músculo maseter e demais músculos do cranio (en latín)

Función

É un dos músculos mastigadores, cuxa acción é a de elevar a mandíbula e levala cara a atrás.