NigeriaSat X

NigeriaSat X ou NX é un satélite artificial de Nixeria lanzado o 17 de agosto de 2011 mediante un foguete Dnepr desde a base aérea de Dombarovski.^[1][2][4][5]

NigeriaSat X / NX
Tipo	Satélite artificial
Organización	NASRDA
Data de lanzamento	17 de agosto de 2011[1][2][3]
Foguete portador	Dnepr[2][4]
Sitio de lanzamento	Base aérea de Dombarovski[2][4][5]
Obxectivo da misión	Tecnolóxico, observación terrestre.[2][4][5]
NSSDC ID	2011-044C
Masa	100 kg[2]
Datos orbitais
Semieixo maior	7074 km[1]
Inclinación	97,8°[1]
Apoapse	711,2 km[1]
Periapse	695,1 km[1]
v c e

Características

NigeriaSat X é un satélite de 100 kg de masa baseado no bus SSTL-100 pertencente á axencia gubarnamental nixeriana NASRDA. A súa misión é servir de adestramento para os enxeñeiros nixerianos na construción de satélites e observar a Terra cunha cámara triespectral cunha resolución de 22 m, formando parte da Constelación de Monitorización de Desastres, unha rede mundial de pequenos satélites para asistir en desastres naturais e monitorizar os cambios medioambientais. O satélite foi construído por 26 enxeñeiros nixerianos baixo a guía do fabricante Surrey Satellite Technology Ltd. As comunicacións co satélite teñen lugar en banda S (telemetría, seguimento e comandos) e banda X (envío de datos desde o satélite).^{[1][2][4][5][6]}

O único instrumento a bordo de NigeriaSat X é a cámara triespectral SLIM6 (Surrey Linear Imager - 6 channel), unha cámara de barrido para lonxitudes de onda no visible e no infravermello próximo que permite medir o albedo da superficie terrestre e imaxes da terra e da cobertura vexetal. ^{[1][2][4][5][6]}