Nardo

O nardo^[1], tamén coñecido coma tuberosa ou vara de San Xosé (Polianthes tuberosa) é unha planta da familia do agave, nativa de América do Norte. Está estreitamente relacionada co xénero Manfreda.

Nardo
Lámina dun nardo a rosear
Clasificación científica
Reino: Plantae Subreino: Tracheobionta División: Magnoliophyta Clase: Liliopsida Subclase: Liliidae Orde: Asparagales Familia: Agavaceae Xénero: Polianthes Especie: P. tuberosa
Nome binomial
Polianthes tuberosa L.

Etimoloxía

O nome xenérico Polianthes significa "flor cinsenta". O nome específico deriva do latín tuberosa, é dicir, inchada ou tuberosa, en referencia ao seu sistema de raíces.

Os aztecas chamárona Omixochitl ou flor de óso.

A planta ten un lugar destacado na cultura india e na mitoloxía. As flores utilízanse nas cerimonias de voda, grilandas, decoración e diversos rituais tradicionais.

Distribución

É oriúnda do centro e do sur de México.

Descrición

A planta medra con alongadas espigas de até 45 cm de longo que producen acios de flores recendentes de cor cérea que florea dende a base cara a parte superior da espiga. Brillantes follas verdes agrupadas na base da planta e follas máis pequenas, ao longo do talo. As flores poden ser brancas ou de cor crema, úsase coma flor de corte e unha soa vara floral pode perfumar durante semanas un ambiente.

Das raíces da mesma extráese un óleo recendente que se emprega para facer perfumes, incenso e menciñas.

Sinonimia

• Agave tuberosa (L.) Thiede & Eggli (1999), nom. illeg.
• Agave polianthes Thiede & Eggli (2001).
• Crinum angustifolium Houtt. (1780).
• Tuberosa amica Medik. (1790).
• Polianthes gracilis Link (1821).
• Polianthes tuberosa var. gracilis (Link) Baker (1888).
• Polianthes tuberosa f. plena Moldenke (1948). ^[2]