Náutilo

Os náutilos^[2] (do grego: ναυτίλος nautilos, "navegante")^[3] son calquera das criaturas mariñas da familia dos cefalópodos dos nautílidos, a única familia da orde dos nautilida. Son os únicos membros viventes da subclase dos Nautiloidea, que existen dende hai 500 millóns de anos, feito polo cal están considerados fósil vivente.^[4] Orixinalmente, o nome "náutilo" designaba a outros cefalópodos, os argonautas, tamén coñecidos como náutilos de papel.^[5]

Nautílidos Nautilidae Náutilos Rango fósil: triásico - actualidade
Nautilus belauensis
Clasificación científica
Reino: Animalia Filo: Mollusca Clase: Cephalopoda Subclase: Nautiloidea Agassiz, 1847 Orde: Nautilida Agassiz, 1847 Familia: Nautilidae Blainville, 1825
Xéneros [1]
Allonautilus Nautilus

Son animais duns quince centímetros de diámetro, especialmente coñecidos pola súa cuncha calcaria. Móvense amodo, pero malia iso son quen de alimentarse de pequenos peixes e crustáceos.