Nigrán

Nigrán é un concello da provincia de Pontevedra, pertencente á comarca de Vigo. Segundo o IGE no ano 2021 tiña 18.005 habitantes (8.857 homes e 9.148 mulleres). O seu xentilicio (véxase no Galizionario) é nigranés.

Para outras páxinas con títulos homónimos véxase: Nigrán.

Nigrán

Localización
42°08′30″N 8°48′24″O
Estado	España
Comunidade autónoma	Galicia
Provincia	provincia de Pontevedra
Capital	Nigrán
Poboación
Poboación	18.208 (2024) (521,72 hab./km²)
Xeografía
Parte de	Mancomunidade da Área Intermunicipal de Vigo Mancomunidade de Concellos do Val Miñor
Superficie	34,9 km²
Bañado por	Océano Atlántico
Altitude	350 m
Comparte fronteira con	Vigo Gondomar Baiona
Organización política
• Alcalde	Juan González Pérez (2015–)
Eleccións municipais en Nigrán
Identificador descritivo
Código postal	36340, 36350, 36360, 36370, 36379 e 36391
Fuso horario	UTC+01:00
Código INE	36035
Sitio web	nigran.es

Xeografía

Ten unha superficie de 34,8 km², e abrangue sete parroquias. Está situado no Val Miñor, e limita ao norte con Vigo, ao sueste con Gondomar, ao suroeste con Baiona e ao oeste co océano Atlántico. É un concello costeiro, contando con areais como praia América ou praia de Patos e penínsulas como Monteferro.

Demografía

Censo total 2021	18.005 habitantes
Menores de 15 anos	2.212 (12.29 %)
Entre 15 e 64 anos	11.767 (65.35 %)
Maiores de 64 anos	4.026 (22.36 %)

Evolución da poboación de Nigrán   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
6.180	6.974	7.968	12.336	16.894	18.021	17.879	17.840	17.738	17.715	17.619	17.593	17.622	17.723	17.675	17.745	18.005
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Cultura

Toponimia

As atestacións documentais máis antigas deste topónimo son serodias, do século XIII, e nelas aparece coma nome dunha freguesía pertencente ao arciprestado e xurisdición de Miñor, diocese de Tui.

Segundo o estudo realizado polo catedrático da Universidade de Vigo Gonzalo Navaza, o topónimo Nigrán vén do termo latino "niger" (negro en galego) máis a terminación patronímica -án.^[1]

Patrimonio

Mosaico romano de Panxón.

Patrimonio arquitectónico

• Ponte da Ramallosa (San Pedro da Ramallosa);
• Templo Votivo do Mar (Panxón);
• Arco visigótico de Panxón (Panxón);
• Monumento á mariña universal (Monteferro).

O concello de Nigrán conta con sete pazos:

• Pazo de Cadaval-Urzáiz;
• Pazo de Cea;
• Pazo da Touza;
• Pazo de Brito;
• Pazo de Lamelas;
• Pazo de Ceán;
• pazo de Pías.

Economía

Nigrán foi tradicionalmente un municipio adicado á pesca de baixura, pero actualmente débese máis ao turismo.

Deporte

O Nigrán Club de Fútbol, formado no ano 2000, xoga no grupo sur da 1ª Preferente.

Galería de imaxes

Artigo principal: Galería de imaxes de Nigrán.

• 
  Templo Votivo do Mar de Panxón.
• 
  Illas Estelas e Cabo Silleiro
• 
  Praia América ou de Area Loura, Panxón.
• 
  Capela das Angustias de Nigrán.

Parroquias

Galicia | Provincia de Pontevedra | Parroquias de Nigrán
Camos (Santa Baia) | Chandebrito (San Xosé) | Nigrán (San Fiz) | Panxón (San Xoán) | Parada (Santiago) | Priegue (San Mamede) | A Ramallosa (San Pedro)

Lugares de Nigrán

Para unha lista completa de todos os lugares do concello de vexa: Lugares de Nigrán.