Nocilla

Nocilla é unha crema de cacao de orixe española, creada no ano 1967 polo grupo Starlux. No ano 2002, Nutrexpa compra Nocilla.

Nocilla
Tipo	Crema
Subclase de	alimento de untar
Composto por  leite de vaca  abelá  cacao en po  azucre
Orixe
País de orixe	España
Produto
Fabricante	Nutrexpa
Marca	Nocilla
Distribución	España Portugal
Data
[ Wikidata ]

Historia

No ano 1967, o grupo Starlux inspírase na marca italiana Ferrero, creadora da crema de cacao Nutella, para crear Nocilla, a súa alternativa de España. Os seus ingredientes eran: cacao, leite, azucre e abelás. O produto presentouse naquela co slogan Que merendilla!^[1].

No ano 1997, os accionistas de Starlux venden Starlux ao grupo Knorr^[2], á que máis tarde comprou a multinacional holandesa Unilever. Cinco anos despois, compra a marca Nutrexpa, creadora de Cola Cao. Con Nutrexpa, Nocilla pasa a ter máis sabores e empeza a venda de repostería.

Actualmente, véndese en España e Portugal.

Sabores

Os sabores clásicos de Nocilla son: orixinal (crema de abelás con cacao) e dúo (crema orixinal e crema de leite). Máis tarde chegaron ao mercado novos sabores como crema de leite, crema tripla de abelás ou crema de amorodo (xa extinta). Tradicionalmente o envase era un vaso de cristal, en ocasións formando parte de coleccións creadas expresamente por coñecidos deseñadores ou debuxos animados como Doraemon^[3] ou Bob Esponxa.^[4]