Obelisco dos Cantóns
columna conmemorativa da Coruña From Wikipedia, the free encyclopedia
Remove ads
O Obelisco dos Cantóns é un monumento da cidade da Coruña, situado na rúa do Cantón Grande. Construíuse en 1895 en memoria de Aureliano Linares Rivas, deputado, senador e ministro compostelán durante a rexencia de María Cristina.
A denominación de obelisco, que lle deron, é inexacta, pois o monumento é en realidade unha columna conmemorativa[1].
Remove ads
Historia
En 1893 o concello coruñés creou un comité ad hoc, que decidiu que o monumento non só constituíse unha homenaxe a Linares Rivas, senón que ao tempo tivese utilidade pública, cun reloxo e aparellos meteorolóxicos.
O monumento foi proxectado polo mestre de obras Gabriel Vitini Alonso, e a cimentación polo arquitecto municipal Antonio de Mesa. Isto debeuse a que a cimentación foi pagada polo concello coruñés, en tanto que o monumento en si foi erguido a partir da recadación obtida por subscrición popular, e os mestres de obra eran os que proxectaban a maioría de obras privadas nesa época (profesión que logo cambiou a aparellador e máis tarde a arquitecto técnico ou enxeñeiro de edificación). O monumento foi feito polo construtor José Escudero, que cobrou 1.995 pesetas[2]. Foi inaugurado o 10 de febreiro de 1895.[3]
O alcalde Alfonso Molina decidiu en 1952 aumentar a altura da estrutura xa que os edificios da zona medraran en altura e desmerecían o monumento[4].
Na base deste obelisco están gravados en placas de bronce os datos xeográficos e os climáticos extremos da cidade.
Remove ads
Notas
Galería de imaxes
Véxase tamén
Wikiwand - on
Seamless Wikipedia browsing. On steroids.
Remove ads