Compton Gamma Ray Observatory

CGRO (acrónimo de Compton Gamma-Ray Observatory) foi un observatorio espacial da NASA lanzado o 5 de abril de 1991 mediante o transbordador espacial Atlantis na misión STS-37 desde o Centro Espacial de Cabo Cañaveral.^[2][5][6]

CGRO
Representación artística de CGRO
Tipo	Científico
Organización	NASA
Data de lanzamento	5 de abril de 1991, 14:22 GMT[1][2][3][4]
Foguete portador	Transbordador espacial Atlantis[2][5]
Sitio de lanzamento	Centro Espacial de Cabo Cañaveral, rampla 39B[2][6]
Obxectivo da misión	Observacións astronómicas no rango dos raios gamma.[2][6]
Decaemento	4 de xuño de 2000[1]
NSSDC ID	1991-027B
Masa	16.329,0 kg[2][5][6]
Potencia	2000 vatios[2]
v c e

Características

CGRO era membro da serie de grandes observatorios da NASA, xunto co telescopio espacial Hubble, o Telescopio Espacial Spitzer e o Telescopio Espacial Chandra de raios X. A súa misión era facer observacións do ceo no rango dos raios gamma, entre 0,1 MeV e 30 GeV, onde se producen procesos no que interveñen as reaccións nucleares, a radiación bremsstrahlung, a aniquilación materia-antimateria, a dispersión Compton, a radiación sincrotrón e outros.^[2]

A nave estabilizábase nos tres eixos e era capaz de apuntar a un obxectivo determinado durante ata 14 días cunha precisión angular de 0,5 graos e facer observacións cunha precisión temporal de 0,1 milisegundos. Levaba a bordo 1860 kg de hidracina como propelente para manter a órbita.^[2]

Tras o fallo de tres dos catro xiroscopios, a NASA decidiu facer reentrar o observatorio o 4 de xuño de 2000 para evitar a perda do control do mesmo en caso do fallo do último xiroscopio.

Instrumentos

CGRO levaba a bordo catro instrumentos que se complementaban na cobertura de enerxías:

• Burst and Transient Source Experiment (BATSE)
• OSSE (Oriented Scintillation Spectrometer Experiment)
• COMPEL (Imaging Compton Telescope)
• EGRET (Energetic Gamma-Ray Experiment Telescope)