Operación Triunfo 2018

Operación Triunfo 2018, tamén coñecido polas súas siglas OT 2018, é a décima edición do programa de televisión musical Operación Triunfo de La 1 de Televisión Española. O programa, que conta cunha duración provisional de 91 días, foi estreado o 19 de setembro de 2018, sendo líder de audiencia, cultivando un 20,5% de cota de pantalla en prime time. Durante o resto das súas emisións, o programa continuou rexistrando bos datos de audiencia, aínda que, ao longo das semanas, mostrou unha clara tendencia descendente nos seus datos.

Desenvolvemento

O 7 de febreiro de 2018, anunciouse que RTVE renovaría Operación Triunfo no seu Consello de Administración de marzo para unha nova edición en outono.^[1] Finalmente, foi o 28 de febreiro cando o Consello de Administración de RTVE aprobaba por unanimidade a renovación do programa de Gestmusic por unha décima edición, que chegaría en setembro do mesmo ano.^[2] A décima edición do programa conta cun total de 14 galas, que no seu conxunto supoñen un custo de 11 millóns de euros, nos que van incluídos os custos da canle 24 horas e os resumos diarios, entre outros gastos alleos ás galas en directo.^[3] Así mesmo, o concurso volve servir como preselección de España para o Festival de Eurovisión 2019, feito que se confirmou o 14 de setembro, durante a rolda de prensa na que se presentou a edición, e que, ademais, contemplaban as bases do concurso.^[4]

Instalacións

Un ano máis, os estudos do Parc Audiovisual de Catalunya, situados en Terrassa, acollen tanto o estudo como a academia. As instalacións, que ocupan 2.200 metros cadrados, contan cun edificio de tres plantas, utilizado como academia e un renovado estudo de grandes dimensións e de alta tecnoloxía que dobra tanto o tamaño como a capacidade do seu antecesor en 2017, contando con case 1.000 espectadores de público.^[5]

Seleccións

O 14 de maio anunciáronse as cidades que acolleron as seleccións.^[6] A novidade das seleccións desta edición foron os #OTCover, que consistiu en que as mellores actuacións subidas ás redes sociais baixo ese mesmo hashtag gañaron un pase directo para evitar as colas de espera.^[7] En total, 16 769 persoas presentáronse ás probas de selección.^[8]

Data	Lugar	Asistentes	Pases á segunda fase
30 de maio de 2018	Explanada olímpica do Palau Sant Jordi (Barcelona)	2 504 persoas	107
4 de xuño de 2018	Porto de Alacant (Alacant)	1 200 persoas	42
7 de xuño de 2018	Porto de Valencia (Valencia)	2 075 persoas	65
12 de xuño de 2018	Palau de Congressos do Poble Espanyol (Palma)	525 persoas	18
18 de xuño de 2018	Palacio de Congresos e Auditorio Kursaal (Donostia)	950 persoas	27
21 de xuño de 2018	Museo do Mar de Galicia (Vigo)	890 persoas	31
26 de xuño de 2018	Auditorio de Tenerife (Tenerife)	600 persoas	34
2 de xullo de 2018	Palacio de Ferias y Congresos de Málaga (Málaga)	1 850 persoas	72
5 de xullo de 2018	Fibes (Sevilla)	2 145 persoas	61
10 de xullo de 2018	Universidade Politécnica de Madrid (Madrid)	3 460 persoas	107

A fase final do casting deu comezo o 28 de agosto no Parc Audiovisual de Catalunya, en Terrassa, e prolongouse durante tres días.^[9]

Equipo

Presentadores

Igual que na edición anterior, Roberto Leal é o encargado de presentar as galas. Ademais, Noemí Galera e Ricky Merino ocúpanse de presentar "El chat".

Profesores

O claustro da academia está formado por:^[10]

• Noemí Galera, directora da academia, presentadora de "El chat".
• Manu Guix, director musical.
• Vicky Gómez, coreógrafa.
• Mamen Márquez, directora vocal e profesora de Técnica vocal.
• Joan Carles Capdevila, coach vocal.
• Laura Andrés, coach vocal.
• Javier Calvo e Javier Ambrossi, profesores de interpretación (día 43 a 91).
• Itziar Castro, profesora de interpretación (día 1 a 42).
• Miqui Puig, profesor de Cultura musical.
• Andrea Vilallonga, profesora de Imaxe e protocolo.
• Xuan Lan, profesora de ioga.
• Magali Dalix e Gotzon Mantuliz, profesores de Forma física e vida sa.
• Rubén Salvador, profesor de Bailes de salón.
• Cristina Burgos, profesora de Hip/Hop.
• Sheila Ortega, profesora de Danzas urbanas.
• Chris Nash, profesor de Inglés.
• Ana Amengual, profesora de Dietética.

Profesores anteriores

O 31 de outubro de 2018, por primeira vez na historia do programa, Gestmusic, en consenso co equipo encargado de RTVE, tomou a decisión unilateral de prescindir de Itziar Castro como profesora de interpretación, por "non conseguir os obxectivos esperados na súa área, onde o traballo cos concursantes non deu o resultado esperado nas Galas". Así pois, a participación de Castro na academia finalizou durante a sexta semana de concurso, abandonando o seu posto tras a gala do mércores.^[11]

Xurado

• Manuel Martos, produtor executivo de Universal Music.
• Joe Pérez-Orive, director de mercadotecnia de Live Nation.
• Ana Torroja, cantante, exvocalista de Mecano.

Ao mesmo tempo, en cada gala cóntase cun cuarto xurado invitado:

• Tony Aguilar (Gala 1)
• Julia Gómez Cora (Gala 2)
• Rosana (Gala 2): en substitución de Ana Torroja
• Wally Lopez (Gala 3)
• David Otero (Gala 4)
• Javier Llano (Gala 5)
• Carlos Jean (Gala 6)
• Brisa Fenoy (Gala 7)
• Ruth Lorenzo (Gala 8)
• Pastora Soler (Gala 9)
• Paco Tomás (Gala 10)
• Ana Belén (Gala 11): en substitución de Ana Torroja

Emisión

• Galas:
  • Mércores: en La 1 e TVE Internacional ás 22:35.
  • Domingo: repetición da gala do mércores ás 11:05 en La 1.
• Chats:
  • Ao finalizar as galas en directo (01:15) en La 1 e TVE Internacional.
• Outros contidos:
  • Canal 24h OT de 8:30 a 23:00 en YouTube.
  • Resumo diario en Clan ás 00:00 e tamén na canle de YouTube de RTVE.

Concursantes

N.º	Concursante	Idade	Residente en
01	Famous Oberogo	19 anos	Bormujos
02	Alba Reche	20 anos	Elx
03	Natalia Lacunza	19 anos	Pamplona
04	Sabela Ramil	25 anos	As Pontes
05	Julia Medina	23 anos	San Fernando
06	Miki Núñez	22 anos	Terrassa
07	Marta Sango	18 anos	Torre del Mar
08	María Villar	27 anos	Madrid
09	Marilia Monzón	18 anos	Gáldar
10	Carlos Right	25 anos	Esplugues de Llobregat
11	Noelia Franco	22 anos	Málaga
12	Damion Frost	21 anos	Adeje
13	Dave Zulueta	20 anos	Sanlúcar de Barrameda
14	Joan Garrido	22 anos	Bunyola
15	África Adalia	22 anos	Madrid
16	Alfonso Lacruz	22 anos	Madrid
Aspirantes eliminados na Gala 0
17	Rodrigo Blanco	25 anos	San Juan del Puerto
18	Luis Mas	19 anos	El Masnou

Estatísticas semanais

Votacións dos concursantes

Após o xuízo do xurado, os concursantes decidían, a través dunha votación, que compañeiro/a desexaban salvar do nomeamento.

	Gala 1	Gala 2	Gala 3	Gala 4	Gala 5	Gala 6	Gala 7	Gala 8	Gala 9	Gala 10	Votos totais recibidos
Famous	Joan G.	Dave	Damion	Dave	Marta	Noelia	Miki	Marta	Marta	Marta	-
Alba Reche	Joan G.	Joan G.	Joan G.	Dave	Carlos R.	María	Carlos R.	María	María	Miki	-
Natalia	Joan G.	Joan G.	Damion	Sabela	Carlos R.	María	Miki	María	Julia	Miki	-
Sabela	Nomeada	Joan G.	Joan G.	Nomeada	Damion	Marilia	Miki	María	Julia	Nomeada	9
Julia	Joan G.	Dave	Dave	Dave	Carlos R.	Noelia	Marilia	Marilia	Nomeada	Sabela	3
Miki	Joan G.	Joan G.	Joan G.	Dave	Carlos R.	María	Nomeado	María	Julia	Nomeado	5
Marta	Alfonso	Dave	Dave	Sabela	Nomeada	Noelia	Marilia	Nomeada	Nomeada	Nomeada	6
María	Sabela	África	Dave	Sabela	Carlos R.	Nomeada	Marilia	Nomeada	Nomeada	Expulsada	8
Marilia	Sabela	Joan G.	Joan G.	Sabela	Marta	Nomeada	Nomeada	Nomeada	Expulsada		6
Carlos Right	Sabela	Dave	Dave	Nomeado	Nomeado	Marilia	Nomeado	Expulsado			7
Noelia	Alfonso	Dave	Dave	Carlos R.	Marta	Nomeada	Expulsada				3
Damion	Alfonso	África	Nomeado	Sabela	Nomeado	Expulsado					3
Dave	Joan G.	Nomeado	Nomeado	Nomeado	Expulsado						14
Joan Garrido	Nomeado	Nomeado	Nomeado	Expulsado							15
África	Alfonso	Nomeada	Expulsada								3
Alfonso	Nomeado	Expulsado									2

•      Concursante nomeado/a, salvado/a polo voto dos seus compañeiros.
•      Concursante nomeado/a, falto/a do voto de salvamento dos seus profesores e compañeiros.
•      Concursante expulsado/a.

Expulsións

O público votaba para salvar ao seu concursante favorito, polo tanto, o/a expulsado/a é o/a concursante coa porcentaxe de votos máis baixa.

• Gala 0: Carlos Right (42%) / Rodrigo (37%) / Luis (21%).
• Gala 2: Sabela (78,8) / Alfonso (21,2%).
• Gala 3: Dave (80%) / África (20%).
• Gala 4: Damion (65%) / Joan Garrido (35%).
• Gala 5: Carlos Right (62%) / Dave (38%).
• Gala 6: Marta (59%) / Damion (41%).
• Gala 7: Marilia (50,2%) / Noelia (49,8%).
• Gala 8: Marilia (57%) / Carlos Right (43%).
• Gala 9: Marta (53%) / Marilia (47%).
• Gala 10: Marta (57%) / María (43%).
• Gala 11: Sabela (64%) / Marta (36%).
• Gala 12: Sabela (43%) / Julia (37%) / Miki (20%).

Audiencias

Estas son as audiencias que obtivo o programa Operación Triunfo 2018.

Galas

Data	Día	Programa	Estrutura do programa	Espectadores	Share
19 de setembro de 2018	Mércores	Gala 0	Presentación / Entrada dos 16 concursantes / Eliminación de Luis e Rodrigo	2 321 000	20,5%[12]
26 de setembro de 2018	Mércores	Gala 1	Nomeamento de Alfonso e Sabela	2 102 000	16,6%[13]
3 de outubro de 2018	Mércores	Gala 2	Expulsión de Alfonso / Nomeamento de África e Dave	1 875 000	15,8%[14]
10 de outubro de 2018	Mércores	Gala 3	Expulsión de África / Nomeamento de Damion e Joan	2 028 000	17,0%[15]
17 de outubro de 2018	Mércores	Gala 4	Expulsión de Joan Garrido / Nomeamento de Carlos e Dave	1 963 000	16,9%[16]
24 de outubro de 2018	Mércores	Gala 5	Expulsión de Dave / Nomeamento de Damion e Marta	1 902 000	15,9%[17]
31 de outubro de 2018	Mércores	Gala 6	Expulsión de Damion / Nomeamento de Noelia e Marilia	1 742 000	14,1%[18]
7 de novembro de 2018	Mércores	Gala 7	Expulsión de Noelia / Nomeamento de Carlos e Marilia	1 841 000	15,3%[19]
14 de novembro de 2018	Mércores	Gala 8	Expulsión de Carlos Right / Nomeamento de Marilia e Marta	1 886 000	15,3%[20]
21 de novembro de 2018	Mércores	Gala 9	Expulsión de Marilia / Nomeamento de María e Marta	1 930 000	16,2%[21]
28 de novembro de 2018	Mércores	Gala 10	Expulsión de María / Nomeamento de Marta e Sabela	1 906 000	16,0%[22]
5 de decembro de 2018	Mércores	Gala 11	Expulsión de Marta / Elección de Natalia e Famous como finalistas	1 888 000	15,3%[23]
12 de decembro de 2018	Mércores	Gala 12	Expulsión de Miki / Elección de Alba, Sabela e Julia como finalistas	1 778 000	15,4%[24]
19 de decembro de 2018	Mércores	Gala Final	Vitoria de Famous / 2ª Alba Reche / 3ª Natalia / 4ª Sabela / 5ª Julia	2 231 000	19,4%[25]

Programas especiais

Data	Día	Programa	Estrutura do programa	Espectadores	Share
26 de decembro de 2018	Mércores	Gala Nadal	Encontro con finalistas de Operación Triunfo 2017	1 793 000	12,7%[26]
20 de xaneiro de 2019	Domingo	Gala Eurovisión	Elección do representante de España no Festival de Eurovisión 2019	1 892 000	11,6%[27]

     Líder da noite.

     Récord de audiencia.