Orfismo (relixión)

O orfismo (grego antigo: Ὀρφικά) é o nome dunhas prácticas e crenzas relixiosas xurdidas na Grecia antiga e no mundo helenista,^[1] así como polos tracios,^[2] asociada á literatura do mítico poeta Orfeo, que foi quen de descender a Hades e volver. Os orfistas tamén adoraban a Perséfone (que anualmente descendía a Hades por unha tempada e despois regresaba) e a Dioniso (que tamén descendeu a Hades e volveu). Orfeo foi o creador dos Misterios dionisíacos.^[3] A poesía que contén as crenzas órficas remóntase ó século -VI^[4] ou V.^[5]

Mosaicos de Orfeo atopados en vilas tardoromanas.

As fontes clásicas, como Platón, falan "Iniciadores de Orfeo" (Ὀρφεοτελεσταί), e ritos asociados, malia que a literatura "órfica" relacionada cos ritos non está clara.^[6] Ó igual que nos misterios eleusinos, a iniciación nos misterios do orfismo prometía vantaxes despois da vida.