Orgullo Petrolero

Orgullo Petrolero (renomeado como Cerro de la Pez)^[1] é un buque de apoio a plataformas petrolíferas, construído na Ría de Ferrol por Navantia para Pemex, cun custo de 150 millóns de euros. O buque forma parte dunha serie de dous contratados xunto con Barreras Vigo, o Reforma Pemex.

Orgullo Petrolero Cerro de la Pez (actual)
Botadura de Orgullo Petrolero en Navantia Ferrol.
Historial
Estaleiro	Navantia Ferrol
Clase	BAP
Tipo	Flotel
Operador	Pemex
Porto de rexistro	A Valeta ( Malta)
Autorizado	22 de maio de 2014
Posta en grella	30 de outubro de 2014
Botado	28 de agosto de 2015
Asignado	16 de xullo do 2016 (previsión)
Viaxe inaugural	Ferrol-México (maio 2018)
Destino	Golfo de México
Características xerais
Desprazamento	7 000 toneladas
Eslora	131,20 metros
Manga	27 metros
Velocidade	10,8 nós
Capacidade	700 persoas
OMI: 9673898, MMSI: 256152000, chamada: 9HA3836

Descrición

Os inicios do proxecto partiron da negociación da Xunta de Galicia con Pemex para conseguir traballo nos estaleiros galegos. O 5 de marzo de 2014 asinouse o acordo coa sociedade PMI Norteamérica S.A^[2]. Durante a construción do buque, Pemex tentou a venda do flotel á operadora norueguesa Volstad, que o cedería en réxime de alugueiro.^[3]

O buque botouse na ría de Ferrol cun adianto de dous meses sobre a data prevista, tendo construído o 65%. Foi botado o 28 de agosto de 2015, sendo madriña Victoria Eugenia Aguiar Meugniot.^[4] Permaneceu atracado na ría de Ferrol ata maio de 2018.