Ortro

Ortro ou Orto ^[1] era un can monstruoso, con dúas cabezas, irmán de Cérbero (este, de tres cabezas). Era fillo, como Cérbero, de Equidna e Tifón.

Ortro
Ortro morto ós pés de Heracles (á esquerda, coa pel do león de Nemea) e de Xerión (á dereita). Nótense as dúas cabezas de Ortro (510-500 a. C., Colección Estatal de Antigüidades, Múnic)
Instancia de can mitolóxico personaxe da mitoloxía grega
Parte de mitoloxía grega
Biografía
Asasinado por Heracles
Sexo macho
Familia
Nai Equidna
Pai Tifón
Parella Quimera
Irmá/n Hidra de Lerna Cérbero
Fillo/a Esfinxe León de Nemea
Identificadores Freebase /m/0k_wj
Wikidata C:Commons

Uníndose á súa nai, Equidna, procreou á Esfinxe. Segundo Hesíodo, tiveron a Fix (un monstro que causaba estragos entre os cadmeos) e o León de Nemea (a quen tamén matou Heracles) ^[2].

Morto por Heracles

Pertencía ó xigante Xerión, a quen llo dera Atlas, o seu primeiro dono. Servía como can de garda do pastor Euritión, que alindaba as afamadas vacas vermellas de Xerión na illa Eritia.

O décimo traballo que ordenou Euristeo a Heracles foi traerlle as as vacas vermellas de Xerión. Tras diversas aventuras chegou á illa Eritia. Ortro ventouno axiña e abalanzouse sobre el, pero Heracles matouno dun golpe da súa maza. Euritión acudiu a axudar ó can, pero tamén morreu ás mans de Heracles. Finalmente, matou a Xerión e roubou o gando, regresando a Grecia.

"Cando chegou a Eritía acampou no monte Abante; o can, en canto o sintiu, arremeteu contra el, pero Heracles golpeouno coa maza e deu morte ó boieiro Euritión, que acudira en auxilio do can".

(Pseudo-Apolodoro: Biblioteca mitológica II, 5, 10)