Oxynotus
From Wikipedia, the free encyclopedia
Remove ads
Oxynotus é o xénero tipo, e único, da familia dos oxinótidos (Oxynotidae), peixes elasmobranquios da orde dos escualiformes.
As súas cinco especies actualmente descritas, coñecidas popularmente como peixes porco,[2][3][4] habitan en augas do Mediterráneo, Atlántico e Pacífico occidental.[5]
Remove ads
Etimoloxía
O nome Oxynotus deriva das palabras do grego clásico ὀξύς oxýs "agudo", "afiado", e νῶτον nôton, "detrás", "atrás", é dicir, significa "afiado pola parte de atrás".
Características
As principais características dos peixes porco son as seguintes:[5]
O corpo é moi alto e comprimido, triangular en sección transversal, de entre 50 e 150 cm de lonxitude e coa pel moi rugosa.
As aletas dorsais son moi altas (especialmente no peixe porco veleiro, cada unha delas cunha grande espiña, que pode estar oculta pola aleta. A orixe da primeira pode estenderse moito máis alá das aberturas branquiais.
Teñen quillas laterais no abdome, entre as aletas pectorais e as pelvianas.
Presentan órganos luminiscentes.
Remove ads
Historia natural
Son propios da plataforma e o noiro continental.[5]
Taxonomía
A familia comprende un só xénero, Oxynotus coas cinco especies seguintes:[5]
- Oxynotus bruniensis (Ogilby, 1893), o peixe porco espiñento
- Oxynotus caribbaeus Cervigón, 1961, o peixe porco do Caribe
- Oxynotus centrina (Linnaeus, 1758), o peixe porco [2][3][4]
- Oxynotus japonicus Yano & Murofushi, 1985, o peixe porco do Xapón
- Oxynotus paradoxus Frade, 1929, o peixe porco veleiro[4]
Remove ads
En Galicia
En augas próximas a Galicia aparecen citadas na bibliografía ictiolóxica galega as especies Oxynotus centrina [2][3][6][7] como "frecuente" e, de presenza menos asidua, Oxynotus paradoxus [2][3]
Notas
Véxase tamén
Wikiwand - on
Seamless Wikipedia browsing. On steroids.
Remove ads