PRoject for On-Board Autonomy 1

PROBA 1 (de Project for Onboard Autonomy 1) é un satélite artificial da Axencia Espacial Europea lanzado o 22 de outubro de 2001 mediante un foguete PSLV desde o Centro Espacial de Sriharikota, na India, nun lanzamento de órbita polar,^[7] para facer probas de varios novos sistemas e para estudar a Terra.^[2][3][5][6]

Project for Onboard Autonomy 1 / PROBA 1
Tipo	Científico / tecnolóxico
Fabricante	Verhaert
Organización	ESA
Destino actual	En órbita terrestre, operativo.[1]
Data de lanzamento	22 de outubro de 2001, 4:53 GMT[1][2][3][4]
Foguete portador	PSLV[3][5]
Sitio de lanzamento	Centro Espacial de Sriharikota, na India[3][6]
Obxectivo da misión	Demostrador tecnolóxico e estudo da Terra.[3][6]
NSSDC ID	2001-049B
Masa	94 kg[3]
Datos orbitais
Semieixo maior	6961 km[1]
Inclinación	97,5 graos[1]
Apoapse	590,3 km[1]
Periapse	590,3 km[1]
v c e

Foi seguido de Proba-2 (observador solar), Proba-V (seguidor da vexetación terrestre) e do par Proba-3,que creará eclipses solares artificiais en órbita para observar a coroa solar.

Características

PROBA é principalmente un demostrador tecnolóxico con varios sistemas novedosos a bordo pero que tamén se adica a observar a Terra a través do seu instrumento principal, unha cámara espectral de alta resolución. O satélite é capaz de observar a mesma zona da Terra desde diferentes ángulos e pode gardar imaxes dunha zona de 18,6 km de lado cunha resolución de 18 metros. Os datos obtidos polos satélite son enviados á estación da ESA en Redu, Bélxica.^[3][5][6]

Nave

O satélite ten forma de caixa e unha masa de 94 kg. Obtén a súa enerxía de células solares que recobren as paredes do satélite.^[3][5][6]

Instrumentos

PROBA 1 leva os seguintes instrumentos a bordo:^[3][5][6]

• CHRIS (Compact High Resolution Imaging Spectrometer): o instrumento principal de PROBA, é unha cámara de só 14 kg usada para fotografar a Terra e estudar o medio ambiente. Foi deseñada e desenvolvida por Sira Electro-Optics, do Reino Unido. Deixou de funcionar no 2022.^[7]
• SREM (Standard Radiation Environment Monitor): monitor de radiación ambiental.
• DEBIE (Debris In-Orbit Evaluator): un sensor de restos orbitais para estudar o lixo espacial.
• High Resolution Camera (HRC): unha cámara monocromática de alta resolución, ata 8 metros por píxel.

Fitos

Será dos primeiros recollidos no espazo (por ClearSpace-1, da ESA, en 2028), despois de ter unha lonxevidade de máis dun cuarto de século ou ter instaladas as primeiras baterías de ión-litio a bordo.^[7]