Pandalus

Pandalus é un xénero de crustáceos decápodos carideos, o tipo da familia dos pandálidos, que comprende numerosas especies de camaróns.

Pandalus
Padalus borealis
Clasificación científica
Reino: Animalia Filo: Arthropoda Subfilo: Crustacea Clase: Malacostraca Orde: Decapoda Suborde: Pleocyemata Infraorde: Caridea Superfamilia: Pandaloidea Familia: Pandalidae Xénero: Pandalus Leach, 1814 [1]
Especie tipo
Pandalus montagui [2] Leach, 1814
Especies
Véxase o texto

As especies deste xénero son de tamaño mediano e algunhas, de alto valor económico, son obxecto de pesca comercial, capturándose con artes de arrastre.^[3]

Unha especie, Pandalus montagui, vive en asociación simbiótica co verme poliqueto, Sabellaria spinulosa.^[3]

Bioloxía

Viven de 3 a 5 anos, e alcanzan a madurez sexual a idade temperá. Son hermafroditas protoándricos, é dicir, que comezan a súa vida adulta sendo machos para convertérense despois en femias.^[2]

A reprodución lévase a cabo na primavera, sendo a fecundación interna. As femias producen até 3 000 ovos, que leva a nai debaixo do abdome durante 6 días antes de que comecen a desenvolvérense as larvas.^[2]

As larvas permanecen no plancto entre 4 e 6 meses. Durante este tempo van á deriva nas correntes e teñen un potencial de dispersión de polo menos 10 km.^[2]

Teñen unha taxa de crecemento alta, o que significa que as poboacións poden recuperarse rapidamente despois dunha destrución ou dunha perturbación do hábitat. .^[3]

Taxonomía

O xénero foi descrito en 1814 polo zoólogo e biólogo mariño William Elford Leach no capítulo "Crustaceology" na obra dirixida por D. Brewster The Edinburgh Encyclopædia. Edinburgh: A. Balfour, na que tamén describe a familia dos pandálidos.^[4]

Especies

O World Register of Marine Species (WoRMS) recoñece na actualidade (29 de outubro de 2013) as seguintes vinte especies:^[1]

• Pandalus borealis Krøyer, 1838
• Pandalus chani Komai, 1999
• Pandalus curvatus Komai, 1999
• Pandalus danae Stimpson, 1857
• Pandalus eous Makarov, 1935
• Pandalus formosanus Komai, 1999
• Pandalus goniurus Stimpson, 1860
• Pandalus gracilis Stimpson, 1860
• Pandalus gurneyi Stimpson, 1871
• Pandalus hypsinotus Brandt, 1851
• Pandalus ivanovi Komai & Eletskaya, 2008
• Pandalus jordani Rathbun, 1902
• Pandalus latirostris Rathbun, 1902b
• Pandalus montagui Leach, 1814
• Pandalus nipponensis Yokoya, 1933
• Pandalus platyceros Brandt, 1851
• Pandalus prensor Stimpson, 1860
• Pandalus stenolepis Rathbun, 1902
• Pandalus teraoi Kubo, 1937
• Pandalus tridens Rathbun, 1902

Porén, o Sistema Integrado de Información Taxonómica (SIIT, 29 de outubro de 2013) só recoñece estas trece:^[5]

• Pandalus borealis Krøyer, 1838
• Pandalus danae Stimpson, 1857
• Pandalus eous Makarov, 1935
• Pandalus goniurus Stimpson, 1860
• Pandalus gurneyi Stimpson, 1871
• Pandalus hypsinotus Brandt, 1851
• Pandalus jordani M. J. Rathbun, 1902
• Pandalus kessleri Czerniavsky, 1878
• Pandalus montagui Leach, 1814
• Pandalus nipponensis Yokoya, 1933
• Pandalus platyceros Brandt, 1851
• Pandalus stenolepis M. J. Rathbun, 1902
• Pandalus tridens M. J. Rathbun, 1902

Ademais, coñécense algunhas outras fósiles.^[6]

Pescarías comerciais

Pandalus platyceros.

As seguintes especies son pescadas comercialmente:^[7][8]

• Pandalus borealis
• Pandulus jordani
• Pandalus goniurus
• Pandalus danae
• Pandalus hypsinotus
• Pandalus montagui
• Pandalus platyceros