Parsec

Parsec^[1] (pc) é unha unidade de lonxitude usada en astronomía para medir grandes distancias. O nome é un acrónimo formado en inglés a partir das palabras paralax 'paralaxe' e second 'segundo'^[2].

Parsec

Parsec é a distancia a cal se debería situar un observador para ver a distancia dunha unidade astronómica (UA), equivalente á distancia da Terra ao Sol, baixo un ángulo dun segundo de arco (1").

1 parsec (pc) equivale a 3,2616 anos luz, a 206 265 unidades astronómicas (UA) e a 3,08568025×10¹⁶ m.

Tanto esta unidade como os seus múltiplos kiloparsec (kpc, mil pársecs, ou 3262 anos luz ) e megaparsec (Mpc, un millón de parsecs, ou 3,26 millóns de anos luz) son moi utilizados para indicar as enormes distancias cósmicas en medidas de distancias espaciais en traballos científicos de astronomía galáctica e extra-galáctica.