Paurópodos

A dos paurópodos^[2][3] (Pauropoda) son unha clase de miriápodos diminutos (de 0,5 a 2 mm), corpo brando, coas antenas ramificadas e con entre 9 e 11 pares de patas. Viven en lugares húmidos e son saprófagos. Saen do ovo con só tres pares de patas. Coñécense entre 500^[4] e 715^[5][6] especies.

Paurópodos Pauropoda
Pauropus huxleyi
Clasificación científica
Reino: Animalia Filo: Arthropoda Subfilo: Myriapoda Clase: Pauropoda Lubbock, 1868
Ordes
Hexamerocerata Remy, 1950 Tetramerocerata Remy, 1950
Sinonimia[1]
Heterognathes de Saussure & Humbert, 1872 Heterognatha Tömösváry, 1883 Monopoda Bollman, 1893

Características

Os paurópodos teñen a cutícula branda, sen calcificar. Non teñen ollos, aínda que presentan un par de órganos sensoriais con aspecto de ollos; as antenas posúen entre catro e seis artellos sobre os que se insiren dúas curtas ramas provistas de flaxelos. As pezas bucais constan dun par de mandíbulas, e o primeiro par de maxilas fusionadas entre si orixinando un gnatoquilario; falta o segundo par de maxilas. Os gonóporos (poros xenitais) ábrense no terceiro segmento do tronco. Carecen de aparatos respiratorio e circulatorio.

Historia natural

Os paurópodos móvense de maneira característica, con movementos rápidos e bruscos cambios de dirección.^[7] Viven no solo, no humus, baixo pedras, troncos en descomposición, etc., e aliméntanse de fungos e materia orgánica en descomposición.

Taxonomía

Descrición

A orde dos Payropoda foi descrita en 1868 polo prehistoriador e naturalista británico John Lubbock.

Etimoloxía

O nome científico Pauropoda é un substantivo neutro plural que está formado polos elementos do latín científico pauro- e -poda, tirados do grego antigo παῦρος paûros, 'pouco', e πούς, ποδός poús, podós, 'pé', 'perna', 'pata'. Litelamente: 'os de poucas patas'.^[8][9]

Ordes

Scheller, en 2008, propuxo unha clasificación dos parópodos que comprende dúas ordes, que inclúen 9 familias, 40 xéneros e ao redor de 780 especies,^[6] clasificación que segues a maioría dos científico contemporáneos.

(Para outras clasificacións, véxanse Fauna Europaea, ITIS e WoRMS nas ligazóns externas).

Clase Pauropoda Lubbock, 1868

• Orde Hexamerocerata Remy, 1950. Inclúe especies que posúen seis artellos no pedicelo antenal. Son todos tropicais.
• Orde Tetramerocerata Remy, 1950. Inclúe especies que posúen catro artellos no pedicelo antenal. Viven tamén en rexións temperadas.

Galería

• 
  Especie de paurópdo non identificada.
• 
  Paurópdo non identificado.
• 
  Paurópodo da familia dos Eurypauropodidae.
• 
  Trachypauropus britannicus (Eurypauropodidae).
• 
  Pauropus amicus
  1, vista ventra; 2, vista dorsal.
  (Pauropodidae).