Pedro Almodóvar

Pedro Almodóvar Caballero, nado en Calzada de Calatrava (Cidade Real) o 24 de setembro de 1949, é un director de cinema e guionista manchego, un dos principais referentes do cinema español a nivel internacional.

Pedro Almodóvar

(2017)
Biografía
Nacemento	(es) Pedro Almodóvar Caballero 25 de setembro de 1949 (75 anos) Calzada de Calatrava (España)
Presidente do xurado do Festival de Cannes
← George Miller – Cate Blanchett →
Datos persoais
Residencia	Madrid (1968–) Cáceres (1957–1967)
Relixión	Budismo
Altura	1,77 m
Actividade
Campo de traballo	Filme, guión cinematográfico, dirección de cine, produción de cinema, Actuación, literatura e canto
Ocupación	director de cinema, realizador, escritor, guionista de cinema, cantante, produtor de cinema, guionista, actor de teatro, actor
Período de actividade	1974 -
Membro de	Academia das Artes e das Ciencias dos Estados Unidos
Obra
Obras destacables (1980) Pepi, Luci, Bom y otras chicas del montón (1983) Entre tinieblas (pt) (1987) A Lei do Desejo (pt) (1989) Ata-me! (pt) (1991) Tacones lejanos (1995) La flor de mi secreto (1999) Todo sobre mi madre (2002) Hable con ella (2006) Volver (2019) Dolor y gloria
Familia
Cónxuxe	Fernando Iglesias Mas[1]
Irmáns	Agustín Almodóvar
Cronoloxía
	Papeis de Panamá
Premios
(2018)  Fillo adoptivo de Madrid (2013)  European Film Academy Achievement in World Cinema Award (en) (2012)  Doutor honorário da Universidade de Paris 8 (pt) (2009)  doutor honoris causa pola Universidade Harvard (2006)  Premio Princesa de Asturias das Artes (2006)  Premio do Festival de Cannes ao mellor guión, premiado polo traballo Volver (2006)  Premio do público ao mellor filme europeo, premiado polo traballo Volver (2006)  Premio do Cinema Europeo ao mellor director, premiado polo traballo Volver (2006)  Premio Goya á mellor dirección, premiado polo traballo Volver (23 de marzo de 2003)  Óscar ó mellor guión orixinal, premiado polo traballo Hable con ella (2002)  Premio do Cinema Europeo ao mellor guionista, premiado polo traballo Hable con ella (2002)  Premio do Cinema Europeo ao mellor filme, premiado polo traballo Hable con ella (2002)  Premio do Cinema Europeo ao mellor director, premiado polo traballo Hable con ella (2002)  Premio do Cinema Europeo - premio do público á mellor dirección, premiado polo traballo Hable con ella (9 de abril de 2000)  BAFTA á mellor dirección, premiado polo traballo Todo sobre mi madre (1999)  Premio do Cinema Europeo ao mellor filme, premiado polo traballo Todo sobre mi madre (1999)  César de honra (1999)  Premio do Festival de Cannes ao mellor director, premiado polo traballo Todo sobre mi madre (1999)  Premio Goya á mellor dirección, premiado polo traballo Todo sobre mi madre (1999)  Premio do Cinema Europeo - premio do público á mellor dirección, premiado polo traballo Todo sobre mi madre (1988)  Premio Goya ó mellor guión orixinal, premiado polo traballo Mujeres al borde de un ataque de nervios (1988)  Young European Film of the Year (en) , premiado polo traballo Mujeres al borde de un ataque de nervios (1987)  Premio Teddy, premiado polo traballo A Lei do Desejo (pt)  Membro da Academia Estadounidense das Artes e as Ciencias

Traxectoria

Primeiros anos

Cando tiña oito anos Pedro Almodóvar emigrou xunto coa familia a Orellana la Vieja, unha vila de Estremadura, onde foi educado en escolas de salesianos e franciscanos. A súa formación relixiosa provocou nel un rexeitamento da relixión nun futuro. Nesa mesma época comezou a frecuentar as salas de cinema de xeito compulsivo.

Chegada a Madrid

Con dezaseis anos, en 1968, mudou a súa residencia a Madrid, sen familia nin cartos, coa soa idea de estudar e facer cine. Nun principio tivo que se dedicar a vender obxectos de segunda man no Rastro. Deseguido entrou a formar parte do grupo teatral "Los Goliardos", onde trabou amizade coa actriz Carmen Maura, quen posteriormente deviría a "diva" da súa primeira etapa cinematográfica. Fundou así mesmo un grupo musical de punk-rock canda o iconoclasta Fabio McNamara e escribiu relatos que nalgúns casos foron publicado en volumes colectivos. Nestes primeiros anos en Madrid, traballou en Telefónica. Aforrou até conseguir mercar unha cámara de Súper 8, coa que se inicia na rodaxe e grava diversas curtametraxes. Estas curtas convérteno nunha especie de enfant terrible da movida madrileña, movemento contracultural que se desenvolve dende a morte do ditador Francisco Franco até mediados dos anos 80. A primeira destas curtametraxes, titulada Film político, realizouna en 1974. Seguiríanlle títulos como Dos putas, o una historia de amor que termina en boda, La caída de Sodoma, Sexo va, sexo viene ou ¿Quién teme a Virginia Woolf?. Tamén se inclúe neste período a súa primeira longametraxe, ¡Folle... folle... fólleme Tim!, de 1978, malia que non foi estreada de xeito oficial.

En 1980, estrea a súa primeira longametraxe oficial, Pepi, Luci, Bom y otras chicas del montón. Trátase dun filme rupturista, realizado en condicións de produción extremas^{[Cómpre referencia]} e filmado en 16 mm.; pese a isto, obtivo unha grande acollida no Festival Internacional de Cine de Donostia daquel ano.

Producións El Deseo

Pedro Almodóvar e Penélope Cruz.

O 14 de xuño de 1985, xunto co seu irmán Agustín Almodóvar fundou a produtora "El Deseo", que a partir de entón produciu todos os seus filmes. Cunha produtora de seu, a súa sona non parou de medrar até distinguilo coma o director español vivo máis recoñecido ^{[Cómpre referencia]}. A clave desta fama internacional radica seguramente no seu éxito nos EUA, onde se converteu nunha figura dos medios, e nos premios Óscar, amais do mimo con que é tratada pola crítica gala, sendo de especial relevancia a súa ligazón co festival de Cannes^{[Cómpre referencia]}. Retomando a relación cos EUA, Almodóvar gañou un Oscar polo guión de Hable con ella no ano 2003 e foi candidato á mellor película en lingua estranxeira en 1988 con Mujeres al borde de un ataque de nervios.

A meirande parte dos seus filmes poden inserirse no xénero melodramático. O propio Almodóvar confesou en diversas ocasións que as súas fontes de inspiración cinematográficas eran Douglas Sirk, Preston Sturges, George Cukor, Rainer Werner Fassbinder ou John Cassavetes, só por mencionar algúns^{[Cómpre referencia]}. Esta utilización do melodrama xunto a personaxes estrafalarios ou marxinais reportoulle un status de éxito.

Filmes

Ano	Filme
1978	Un hombre llamado Flor de Otoño, de Pedro Olea (A)
1980	Pepi, Luci, Bom y otras chicas del montón (DGA)
1982	Laberinto de pasiones (DGAM)
1983	Entre tinieblas (DG)
1984	¿Qué he hecho yo para merecer esto? (DGA)
1986	Matador (DG)
1987	La ley del deseo (DGAM)
1987	La ley del deseo, de Pedro Almodóvar (A)
1988	Mujeres al borde de un ataque de nervios (DG)
1990	¡Átame! (DG)
1991	Tacones lejanos (DG)
1991	En la cama con Madonna, de Alek Keshishian (A)
1993	Kika (DG)
1995	La flor de mi secreto (DG)
1997	Carne trémula (DG)
1999	Todo sobre mi madre (DG)
1999	Tatuaje, de Gregori Baquet (A)
2002	Hable con ella (DG)
2004	La mala educación (DG)
2006	Volver (DG)
2009	Los abrazos rotos (DG)
2011	La piel que habito (DG)
2013	Los amantes pasajeros (DG)
2016	Julieta (DG)
2019	Dolor y gloria (DG)
2021	Madres paralelas (DG)

• A: actor
• DG: director e guionista
• DGA: director, guionista e actor
• DGAM: director, guionista, actor e música

Produtor (e non director)

Ano	Filme	Director
2015	El Clan	Pablo Trapero
2014	Relatos salvajes	Damián Szifron
2007	La mujer rubia	Lucrecia Martel
2005	The Secret Life of words	Isabel Coixet
2004	La niña santa	Lucrecia Martel
2002	Mi vida sin mí	Isabel Coixet
2001	El espinazo del diablo	Guillermo del Toro
1998	Cuernos de espuma	Manuel Toledano
1996	Mi nombre es sombra	Gonzalo Suárez
1993	Acción mutante	Álex de la Iglesia
1982	Pestañas postizas	Enrique Belloch

Recoñecementos

En 2006, recibiu o Premio Princesa de Asturias das Artes.^[2]