Pelagophyceae

Pelagophyceae é unha clase de algas unicelulares heterocontas mariñas.^[1][2] Estiveron clasificadas dentro de Chrysophyceae.^[1]. En rexións como a costa do golfo de México teñen impacto na pesca xa que forman mareas "marróns" e sustentan a cadea trófica.^[1]

Pelagophyceae
Clasificación científica
Dominio: Eukaryota (sen clasif.) SAR Clase: Pelagophyceae Andersen & Saunders, 1993
Orde
Pelagomonadales Andersen e Saunders, 1993 Sarcinochrysidales Gayral e Billard, 1977

Son ovoides e dun tamaño entre os 3-5 μm. Teñen unha teca orgánica, habitualmente estreita, que rodea a case toda a célula. Cando teñen flaxelos o aparato basal queda reducido a un menor tamaño. O pé dos flaxelos ten unha pequena hélice de transición, que está por riba da placa. A pelame dos flaxelos é bipartita ou tripartita, e sempre orientada no mesmo xeito. Carecen de placas "oculares", ou puntos de recepción lumínica ^[1].

Teñen cloroplastos con lamelas estreitas con tres tilacoides. Os plástidos conteñen clorofila a e c. A pigmentación que posúen son a fucoxantina, diatoxantina, diadinoxantina e nalgúns casos a 19'-butanoxilofucoxantina. Non teñen, porén, violaxantina. Posúen mitocondrias densas con cristas tubulares^[3].

Adoitan ser bacterióvoros. Polo común, atópanse na fase vexetativa como células cocoidais flaxeladas con capacidade natatoria ou como masas celulares agregadas por algún composto excretado.^[3]

Clasificación

• Clase Pelagophyceae Andersen & Saunders, 1993
  • Orde Pelagomonadales Andersen & Saunders, 1993
    • Familia Pelagomonadaceae
      • Xénero Aureococcus Hargraves & Sieburth, 1988
      • Xénero Chrysophaeum I.F.Lewis & H.F.Bryan, 1941
      • Xénero Pelagococcus R.E.Norris, 1977
      • Xénero Pelagomonas R.A.Andersen & G.W.Saunders, 1993
  • Orde Sarcinochrysidales Gayral e Billard, 1977
    • Familia Sarcinochrysidaceae Gayral & Billard, 1977
      • Xénero Andersenia R.Wetherbee & R.F.Waller, 2015
      • Xénero Ankylochrysis Billard, 1995
      • Xénero Aureoscheda M.J.Wynne & R.A.Andersen, 2014
      • Xénero Aureoumbra D.A.Stockwell, DeYoe, Hargraves & P.W.Johnson, 1997
      • Xénero Chrysocystis Lobban, D.Honda & Chihara, 1995
      • Xénero Chrysonephos W.R.Taylor, 1952
      • Xénero Chrysoreinhardia Billard, 2000
      • Xénero Nematochrysopsis Chadefaud, 1947
      • Xénero Sarcinochrysis Geitler, 1930