Pentacerótidos

Os Pentacerótidos (Pentacerotidae) son unha familia de peixes mariños incluída na orde dos Perciformes. Distribúense polos océanos Índico, Pacífico e suroeste do Atlántico.

Zaclistius elevatus

Características

Corpo fortemente comprimido, moi alto no xénero Pentaceropsis, con escamas pequenas. Os ósos da cabeza expostos e estriados ou rugosos. Boca terminal, co rostro algo prolongado.

Unha aleta dorsal, con de 4 a 14 espiñas fortes e 9-29 raios brandos; na anal, 2 a 5 espiñas fortes e 7-13 raios brandos; aletas pelvianas grandes cunha longa espiña e 5 raios brandos; caudal algo fendida.

Habitan fundamentalmente en ladeiras profundas, montes mariños e peláxicos, e poden aparecer na superficie en zonas temperadas, onde se pescan para consumo.

Clasificación

Comprende sete xéneros e 14 especies:

• Xénero Evistias (Jordan, 1907)
• Xénero Histiopterus (Temminck e Schlegel, 1844)
• Xénero Parazanclistius (Hardy, 1983)
• Xénero Paristiopterus (Bleeker, 1876)
• Xénero Pentaceropsis (Steindachner en Steindachner e Döderlein, 1883)
• Xénero Pentaceros (Cuvier en Cuvier e Valenciennes, 1829)
• Xénero Pseudopentaceros (Bleeker, 1876 )
• Xénero Zanclistius (Jordan, 1907)

Véxase tamén

Wikimedia Commons ten máis contidos multimedia na categoría:  Pentacerótidos

Wikispecies posúe unha páxina sobre:  Pentacerótidos

Ligazóns externas

• Taxonomía FishBase
• Taxonomía ITIS