Pexego chato

O pexego chato, pexego paraguaio ou simplemente paraguaio ^[1]  (Prunus persica var. platycarpa) é o froito dunha variedade procedente dunha mutación do pexegueiro (xénero Prunus), cunha froita semellante ao pexego pero con forma chata, pel aveludada de cor verde amarelada e carne branda e doce, adherida á carabuña^[2].

Pexego chato
Clasificación científica
Reino: Plantae División: Magnoliophyta Clase: Magnoliopsida Orde: Rosales Familia: Rosaceae Xénero: Prunus Especie: P. persica
Nome binomial
Prunus persica (L.) Stokes ex Batsch
Nome trinomial
P. persica var. platycarpa (Decne.) D.Rivera, Obón, S.Ríos, Selma, F.Méndez, Verde & F.Cano 1997

O paraguaio é o resultado dunha mutación orixinada na China, sendo introducido nos Estados Unidos en 1869.^[3] Cultívase principalmente en rexións tépedas e ten unhas esixencias de solo e cultivo similares ao do pexegueiro e mais a nectarina.

Do pexego chato existen diferentes variedades: de polpa branca con ou sen veas averdadas ou avermelladas, de polpa amarela, total ou parcialmente desprendida da carabuña.

Galería de imaxes

• 
  Flores do pexegueiro paraguaio.