Pierre Louis Moreau de Maupertuis

Pierre-Louis Moreau de Maupertuis, nado en Saint-Jouan-des-Guérets o 7 de xullo de 1698 e finado en Basilea, Suíza o 27 de xullo de 1759 foi un filósofo, matemático e astrónomo francés.^[1]

Pierre Louis Moreau de Maupertuis

Biografía
Nacemento	28 de setembro de 1698 Saint-Malo (Reino de Francia)
Morte	27 de xullo de 1759 (60 anos) Basilea (Antiga Confederación Suíza)
Lugar de sepultura	Saint-Roch, Paris (en) 48°51′55″N 2°19′57″L
Presidente Academia Prusiana das Ciencias
1746 – 1753
6º Cadeira 8 da Academia Francesa (pt)
8 de xuño de 1743 – 27 de xullo de 1759 ← Charles-Irénée Castel de Saint-Pierre (pt) – Jean-Jacques Lefranc de Pompignan (pt)  →
Datos persoais
Relixión	Catolicismo
Educación	Universidade de Basilea (1729–1730) Collège de la Marche (en) (1714–1716)
Director de tese	Johann Bernoulli
Actividade
Campo de traballo	Matemáticas, mecánica, astronomía, xeodesia e bioloxía
Ocupación	astrónomo, físico, naturalista, matemático, filósofo, militar
Empregador	Academia Prusiana das Ciencias (1745–1756) Academia francesa das ciencias (1741–1745) Academia Prusiana das Ciencias (1740–1741) Academia francesa das ciencias (1723–1740) Musketeers of the Guard (en) (1718–1722)
Membro de	Academia Francesa (1743–1759) Real Academia das Ciencias de Suecia Academia de Ciencias de Rusia Royal Society Academia Prusiana das Ciencias Académie de Stanislas (en)
Alumnos	Émilie du Châtelet
Influencias	Gottfried Wilhelm Leibniz
Obra
Doutorando	Pierre Charles Le Monnier
Familia
Pai	René Moreau de Maupertuis
Irmáns	Louis-Malo Moreau de Saint-Elié
Premios
(1728)  Membro da Royal Society
Descrito pola fonte	Nordisk familjebok Allgemeine Deutsche Biographie Biblioteca dixital BEIC

Obra

Principio de mínima acción

O principio de mínima acción establece que en todos os fenómenos naturais, unha cantidade chamada "acción" tende a ser minimizada. Maupertuis desenvolveu este principio ao longo de dúas décadas. Para el, a acción podía ser expresada matematicamente como o produto da masa do corpo implicado, a distancia percorrida e a velocidade á que viaxa.

Bioloxía

Na súa obra Vénus physique (1745) Maupertuis opúxose á teoría da preformación do embrión entón de moda, afirmando que o pai e a nai teñen unha influencia semellante na herdanza. Maupertuis trata de explicar os fenómenos xenéticos a partir dunha teoría de atracción físico-química.

Para Maupertuis, a natureza era demasiado heteroxénea como para ser creada por deseño. A súa perspectiva materialista e mecanicista (debida ao seu coñecemento das teorías newtonianas^[2] e os seus coñecementos ao redor da herdanza) permitíronlle desenvolver unha teoría da vida bastante próxima ao moi posterior mutacionismo de Hugo de Vries (1848-1935). Segundo Maupertuis, as primeiras formas de vida apareceron por xeración espontánea a partir de combinacións azarosas de materias inertes, moléculas ou xermes. A partir destas primeiras formas de vida, unha serie de mutacións fortuítas procreou unha multiplicación sempre crecente de especies. Maupertuis chega mesmo a postular a eliminación dos mutantes deficientes, converténdose así nun antecedente da teoría da selección natural.^[3]

Obras

Lettres

• Sur la figure de la terre (1738)
• Discours sur la parallaxe de la lune (1741)
• Discours sur la figure des astres (1742)
• Eléments de la géographie (1742)
• Lettre sur la comète de 1742 (1742)
• Accord de différentes loix de la nature qui avoient jusqu’ici paru incompatibles (1744)
• Vénus physique (1745)
• Astronomie nautique (1745 e 1746)
• Les loix du mouvement et du repos déduites d'un principe metaphysique (1746)
• Essai de cosmologie (1750).

Eponimia

• O cráter lunar Maupertuis leva este nome na súa memoria.^[4]
• O asteroide (3281) Maupertuis tamén conmemora o seu nome.^[5]