Pobo tarahumara

Os tarahumaras^[1] ou rarámuris son un pobo nativo de México especialmente coñecidos pola súa grande habilidade como corredores de longa distancia. Orixinalmente habitaron en case todo o estado de Chihuahua, mais retiráronse ás serras altas como Serra Madre Occidental coa chegada dos españois no século XVI.^[2] A área de Serra Madre Occidental que habitan no presente é chamada tamén Serra Tarahumara por mor da súa presenza.

Pobo tarahumara
Tarahumaras na vila de Tuaripa, (Chihuahua, 1892).
Instancia de grupo étnico
Lingua materna lingua tarahumara
Relacionados Suma, guarijio, huichol, tepehuán, mayo, apache e yaqui
Localización
Países México
Rexións principais
México	121 835
Fontes e ligazóns
Descrito pola fonte Great journeys: travel the world's most spectacular routes pp. 79
[ Wikidata ] [ C:Commons ]

A maioría dos tarahumaras viven aínda segundo o estilo tradicional, habitando en refuxios naturais como covas ou cantís, así como pequenas cabanas de madeira ou pedra. Os cultivos básicos son o millo e os feixóns; porén, moitos tarahumaras aínda practican a transhumancia, criando vacas, cabras e ovellas.

A lingua tarahumara pertence á familia das linguas uto-aztecas. Malia que o seu uso está a descender pola presión da lingua castelá, aínda é falada pola maioría.