Powers Boothe

Powers Allen Boothe, nado o 1 de xuño de 1948 e finado o 14 de maio de 2017, foi un actor de cine e televisión estadounidense.

Powers Boothe

Biografía
Nacemento	(en) Powers Allen Boothe 1 de xuño de 1948 Snyder, Estados Unidos de América
Morte	14 de maio de 2017 (68 anos) Os Ánxeles, Estados Unidos de América
Causa da morte	cancro
Residencia	Texas
Educación	Universidade Estatal de Texas Universidade Metodista do Sur Snyder High School
Actividade
Ocupación	coleccionista de arte, actor de teatro, actor de televisión, actor de cinema, actor de dobraxe, actor
Período de actividade	1977 -
Partido político	Partido Republicano
Familia
Fillos	Parisse Boothe
Premios
(2006)  Golden Boot Awards (1980)  Primetime Emmy ao mellor actor - Miniserie ou telefilme, premiado polo traballo Guyana Tragedy: The Story of Jim Jones
Descrito pola fonte	Obálky knih,

Traxectoria

Primeiros anos

Fillo duns granxeiros de Snyder, Texas, recibiu o seu nome polo mellor amigo de seu pai, morto en combate durante a Segunda guerra mundial. Comezou a participar en obras de teatro no instituto, graduouse cun Bachelor of Arts na Southwest Texas State University e recibiu un Master of Fine Arts en interpretación na Southern Methodist University da University Park de Texas.^[1][2]

Carreira

Os seus papeis máis coñecidos inclúen a súa interpretación gañadora dun Emmy de Jim Jones en Guyana Tragedy, os seus papeis como detective na serie de televisión Philip Marlowe na década de 1980, Bill Markham o pai de Tommy/Tomme no filme A selva esmeralda de John Boorman (1985), Cy Tolliver en Deadwood, "Curly Bill" Brocious en Tombstone, a lenda de Wyatt Eartp (1993), Gideon Malick no Universo cinematográfico de Marvel, o vicepresidente e presidente Noah Daniels na serie 24, Lamar Wyatt en Nashville e a voz de Gorilla Grodd no Universo Animado de DC.

Pasamento

Boothe morreu no seu sono na mañá do 14 de maio de 2017 por unha parada cardiopulmonar causada por un cancro de páncreas nos Ánxeles, California, aos 68 anos.^{[3][4] [5]}