Período precelta

O período precelta na prehistoria de Europa Central e Occidental produciuse antes da expansión dos celtas ou da súa cultura durante a Idade de Ferro en Europa e Anatolia (séculos -IX a -VI), mais despois da aparición da lingua e cultura protoceltas. A área abrangueu a espazo máxima das linguas celtas a mediados do primeiro milenio a.C. A extensión á que a lingua, a cultura e a poboación celta coincidiron ou interacturaron durante este período e moi incerto e polémico.

Distribución diacrónica dos pobos celtas.      Territorio central Hallstatt, no s. VI a.C.      Máxima expansión celta, no s. III a.C.      Área lusitana de Iberia, onde a presenza celta non é segura.      As seis "nacións celtas" que retiveron as linguas celtas na Idade Moderna.      Áreas onde as linguas celtas teñen presenza no presente.

Linguas

O protocelta data principalmente do -800, coincidindo coa cultura de Hallstatt, mentres que a posible diverxencia máis antiga entre as variedades protoceltas do protoindoeuropeo data de entre o -3000 e o -2000.

Na Europa continental, as linguas precélticas da Idade de Bronce europea poden comprender dous grupos distintos.

• Linguas non indoeuropeas (por exemplo as linguas preindoeuropeas); como o éuscaro,^[1][2] o rético, o etrusco,^[3] o ibérico, que podería estar clasificado co éuscaro mais aínda están sen clasificar, o aquitano e o paleosardo. Algúns estudosos agrupan o etrusco, o rético e o lemnio nunha hipotética familia lingüística tirrena, que puido xurdir no mar Exeo ou no norte dos Alpes durante o Neolítico.^[4][5][6][7] Pola contra, a lingua lemnia quizais puido chegar ao mar Exeo durante a Idade de Bronce serodia, cando os gobernantes micénicos recrutaron grupos de mercenarios de Sicilia, Sardeña e diversas partes da Península Itálica.^[8]
• Variedades indoeuropeas, como as linguas ilirias, posiblemente o lusitano, os dialectos italo-célticos, o antigo belga e o "antigo europeo".^[9] Porén, o lusitano e o antigo belga poden resultar ser celtas, mentres que o antigo europeo podería ser celta ou non indoeuropeo. A existencia do indoeuropeo no oeste de Europa antes da chegada dos celtas é altamente especulativo.