Premios Teen Choice

Os premios Teen Choice son galardóns que se conceden anualmente nun programa emitido pola Fox desde 1999 para recoñecer á mellor na música, cine, televisión, deporte, moda e máis segundo os votos de adolescentes entre 13 e 19 anos. No programa participan celebridades e músicos e os gañadores reciben táboas de surf de tamaño reducido, 182 cm, pintadas con deseños propios do verán.

Premios Teen Choice
Instancia de	acontecemento periódico, premio cinematográfico, premio de televisión, premio de música, premio deportivo e grupo de premios
Subclase	premio
Data
Fundación	1 de agosto de 1999
Características
Concedido por	Fox Broadcasting Company
Implicados
Organizador	Fox Broadcasting Company
Localización
País	Estados Unidos de América
Fontes e ligazóns
Páxina WEB	teenchoiceawards.com
Redes
[ Wikidata ] [ C:Commons ]

Desenvolvemento

Os produtores executivos son Bob Bain e Michael Burg, o produtor Paul Flattery e o produtor supervisor Greg Sills, quen querían organizar uns premios como os da Nickelodeon Kids' Choice pero para un público adolescente e cunha estética ao estilo da MTV. Entre 1999 e 2005 celebrábanse semanas antes da súa transmisión pero desde 2006 emítense en directo. A cerimonia de 2010 celebrouse o 8 de agosto nos Ánxeles en directo por Internet^[1] presentado por Michael Buckley, ao día seguinte emitiuse na Fox xa presentado por Katy Perry e os protagonistas de Glee, Kevin McHale, Cory Monteith, Mark Salling e Chris Colfer.