Pure

Pure é o segundo álbum de estudio da banda inglesa de metal industrial Godflesh, publicado o 13 de abril de 1992 a través do selo Earache Records. Aínda que orixinalmente foi etiquetado só como metal industrial, dende entón o álbum foi recoñecido como un dos primeiros lanzamentos de post-metal.^[1] Musicalmente, Pure conta con ritmos mecánicos e con guitarras ásperas, e ten cancións prolongadas con bastantes repeticións deliberadas. Como moita da música de Godflesh, é considerado pesado e agresivo, e eses elementos axudaron a que gañase a aclamación da crítica.

Pure
Álbum de Godflesh
Publicado	13 de abril de 1992
Gravación	setembro - outubro de 1991
Duración	48:30 (vinilo e casete) 79:31 (CD)
Xénero(s)	metal industrial, post-metal
Selo(s)	Earache Records
Produtor	J. K. Broadrick, G. C. Green
Cronoloxía
Cold World (1991) Pure Merciless (1994)
Na rede
[ editar datos en Wikidata ]
v c e

Pure foi apoiado polo sinxelo promocional e o vídeo musical de "Mothra". O EP de 1991 Cold World foi gravado nas mesmas sesións que o álbum. En 2013 Godflesh interpretou a meirande parte de Pure ao vivo no festival Roadburn. A pesar do descontento coa calidade da produción do álbum, o líder de Godflesh Justin Broadrick considérao un dos lanzamentos máis honestos do grupo.^[2] En 2012 a revista Fact clasificou a Pure como o 64 mellor álbum dos 90.^[3] A mesma revista en 2015 situou ao disco no posto 18 da súa lista dos 40 mellores álbums de post-metal.^[1]

Listaxe de cancións

N.º	Título	Duración
1.	"Spite"	4:31
2.	"Mothra"	4:31
3.	"I Wasn't Born to Follow"	7:22
4.	"Predominance"	6:16
5.	"Pure"	5:02
6.	"Monotremata"	9:21
7.	"Baby Blue Eyes"	4:39
8.	"Don't Bring Me Flowers"	6:48

Cancións do CD
N.º	Título	Duración
9.	"Love, Hate (Slugbaiting)"	9:57
10.	"Pure II"	21:04
79:31