Río Orontes

O Orontes é o principal río de Siria, excluído o río Éufrates.

Río Orontes

Tipo	río
Inicio
País da cunca	Turquía
Final
Localización	Mar Mediterráneo
34°11′49″N 36°21′09″L B 36°02′43″N 35°57′49″L
Afluentes	Afrin River (en)
Características
Dimensións	571 () km
Superficie da cunca hidrográfica	23.000 km²
Medicións
Caudal	30 m³/s

O río Orontes e as noras de Hamah.

Historia e características

Estrabón di que o seu nome orixinal foi Tifón (Typhon). O río pasaba por Antioquía e Seleucia (coñecida ás veces por Seleucia do Orontes).

O río nace nas montañas do Líbano, onde modernamente é chamado Al-Asi (Nahr al-Asi, ou "o río rebelde"), preto da vila de Labweh, un chisco ao norte de Baalbek, na parte oriental do val da Bekaa. Corre paralelo á costa para o norte en territorio sirio e pasa por Homs e Hamah e máis ao norte xira ao oeste e entra en territorio de Turquía, pasando por Hatay, ata chegar ao mar, desaugando en Suweidah (actualmente Samandagi).

Os principais afluentes ao norte son o Afrin (Afreen, antigo Oenobaras) e o Kara Su. O seu curso é duns 240 km.

Non é navegábel e a súa importancia deriva do feito de correr de sur a norte formando un val que antigamente permitía as comunicacións fluídas entre o norte e o sur de Siria.

Foi escenario da batalla de Qadesh (sobre 1290 / 1275 a C.) e a batalla de Qarqar (entre asirios e os reis confederados dirixidos por Damasco o 853 a.C.).

O río marcou a fronteira norte e leste de Amurru baixo dominio exipcio (séculos XV a.C. e XIV a.C.). Os cruzados tíñano como fronteira entre o principado de Antioquía e o emirato de Alepo.

Véxase tamén

Commons ten máis contidos multimedia sobre:  Río Orontes