Siria

Siria^[1] é un país do Oriente Medio. Limita ó norte con Turquía, o leste e sur con Iraq, ó sur con Xordania e ó oeste con Israel, Líbano e o mar Mediterráneo. A rexión de fronteira con Israel (Altos do Golán) é obxecto de disputa entre ámbolos dous países.

Siria

الجمهورية العربية السورية (ar) سوريا (ar) Komara Erebî ya Sûriyê (ku)
Bandeira Brasón
Himno	Homat al Diyar
Localización
35°13′00″N 38°35′00″L
Territorio reivindicado por	Francia (–1946)
Capital	Damasco
Contén a división administrativa	Gobernación de Al-Hasakah Gobernación de Alepo Gobernación de Ar-Raqqa Gobernación de As-Suwayda Gobernación de Dar'a Gobernación de Deir ez-Zor Gobernación de Hama Gobernación de Homs Gobernación de Idlib Gobernación de Latakia Gobernación de Quneitra Gobernación de Tartus Gobernación do Damasco Rural gobernación de Damasco
Poboación
Poboación	23.865.423 (2024) (128,88 hab./km²)
Lingua oficial	lingua árabe
Xeografía
Parte de	Oriente Medio Asia Occidental
Superficie	185.180 km²
Auga	1,1 %
Bañado por	Mar Mediterráneo
Punto máis alto	Monte Hermón (2.813,95 m)
Punto máis baixo	Mar de Galilea (−214 m)
Comparte fronteira con	Turquía Xordania Iraq Israel Líbano
Datos históricos
Precedido por	Síria Baathista (pt)
Creación	8 de marzo de 1920
Organización política
Forma de goberno	República semipresidencialista (1973–)
• Presidente	sen valor (2024–)
Órgano executivo	Goberno de Siria
Órgano lexislativo	Consello Popular de Siria , (Escano: 250)
Máxima autoridade xudicial	Tribunal Constitucional Supremo de Siria
Membro de	Tratado de non proliferación de armas nucleares Organización Hidrográfica Internacional Fondo Monetario Árabe ../... 23+
Moeda	libra siria
Identificador descritivo
Fuso horario	UTC+03:00, todo o ano Asia/Damasco
Dominio de primeiro nivel	.sy
Prefixo telefónico	+963
Teléfono de emerxencia	112, 110 e 113
Código de país	SY

Historia

Siria forma parte de Asia, en concreto do Oriente Medio. O nome de Siria é tan antigo como a súa historia, atopándose multitude de referencias na Biblia. Anteriormente, formaba parte dun territorio moito máis amplo, que incluía ademais os actuais Chipre, Líbano, Xordania, Iraq e Israel, cuxo nome era Bilad al Cham ou Territorio Lunar, por ser a súa capital, Damasco, tamén chamada Cham, un oasis no medio do deserto.

Siria formou parte, xunto con Exipto, da República Árabe Unida entre 1958 e 1961.

Durante un breve período nos anos 1970, Siria xunto con Libia e Exipto conformou unha federación que pretendía ser o xerme para a definitiva unidade árabe. Dita federación fora impulsada de xeito decidido polo líder libio Muammar al-Gaddafi, pero sucumbiu aos conflitos de intereses entre os tres países que se viron divididos entre outros asuntos pola súa postura fronte a Israel.

Subdivisións

Siria divídese en 14 muhafazat (محافظة , singular muhafazah equivalente a provincia ou gobernación) que levan o nome da capital, e que se subdividen en 61 manāṭiq (singular minţaqah equivalente a distrito ou rexión)

	Nº	Muhafazat	Capital
	1	Lataquia	Lataquia
	2	Idlib	Idlib
	3	Alepo	Alepo
	4	Al-Raqqah	Al-Raqqah
	5	Al-Hasakah	Al-Hasakah
	6	Tartus	Tartus
	7	Hama	Hama
	8	Deir ez-Zor	Deir ez-Zor
	9	Homs	Homs
	10	Damasco	–
	11	Damasco Rural	–
	12	Quneitra	Quneitra
	13	Daraa	Daraa
	14	Al-Suwayda	Al-Suwayda

Xeografía

Muhafazat de Siria

Siria esténdese entre as latitudes 32° e 38° N e as lonxitudes 35° e 43° E. Na súa maior parte consiste nunha chaira árida, non obstante o noroeste do país, que se abeira ó Mediterráneo, é bastante verde. O nordés mailo sur constituían as zonas agrícolas tradicionais.^[2] O Éufrates, o río sirio máis importante, cruza o país polo leste.

O clima é seco e quente, os invernos son moderados, mais pola elevación do país por veces neva no inverno.^[2].

Economía

Véxase: Economía de Siria.